Lafaek News–Diretora Jeral Prestasaun Servisu Saúde Odete Viegas, informa ekipa saúde halo test ona matebian nia oan na’in rua detetadu pozitivu kazu Covid-19.
“Matebian nia oan na’in rua mos ita hetan ona Pozitivu Covid-19 tan ne’e prosesu ne’e hotu matebian nia oan sira sei tama izolamentu,” dehan Odete ba jornalista sira hafoin akompania Konzeladór ba Vera-Kruz hodi tau mate isin iha sala isolamentu hodi hein desizaun husi Governu, tersa (13/04/21).
Odete hateten tan, depois prosesu desizaun ba matebian ne’e ema hotu ne’ebé akompania Xanana Gusmão iha sala izolamentu mos sei tuir hotu teste tanba halo kontaktu direta no familia.
“Ha’u informa ona ba maun Xanana katak matebian nia oan nain rua pozitivu, tanba ne’e prosesu mate isin ne’e hotu ita hotu iha ne’e mos sei hetan teste hotu,” Odete Vera-Krúz.
Entretan too agora familia matebian no polísia akompañia Xanana Gusmão iha kalan ne’e kontinua nafatin hein mate isin iha sala Isolomaentu Vera-Krúz oin.
Jornalista : Acacio Pinto
Editor : Agapito de Deus
