Lafaek News—Deputadu Bankada Congressu Nasionál Rekonstrusaun Timorense (CNRT) iha Parlamentu Nasionál apoiu Lider eis Prezidente Repúblika Kay Rala Xanana Gusmão, absolutamente ba asaun ne’ebe defende lia loos ba povu.
Vise Xefe Bankada (CNRT), Patrocino Fernandes dos Reis hatete, Lider Karismátiku Kay Rala Xanana Gusmão lakohi grupu ida máka sama povu, tanba nasaun ida ne’e povu mak hari’i hodi ukun rasik aan.
“Hau hanoin ho asaun sira ne’e ami respeita tebes teknika sira nia serbisu politikamente ami apoia 100% ba Maun Xanana nia asaun hodi defende povu kabi’it la’ek ninia,” dehan Vice Xefe Bankada CNRT, Patrocino ba jornalista sira iha PN, Tersa, (13/4/2021).
Alende ne’e mós nia informa, atu obedese nafatin regras protokolu governu nian maibé tenke trata povu ho dignu, la’os hakohi ema mate ba Covid-19 uza makina mak hiit kaisaun ne’e la eziste iha kultura Timor nian.
“Respeita nafatin regras protokolu maibé ema tenki trata ho dignu hanesan ema, labele ba obriga dehan ba hakoi lori makina ekipamentus hiit ema nia kaisaun ne’e la eziste ba kultura Timor-Leste, ida ne’e maka maun Xanana halo asaun sívika ida ne’ebe hakarak hatudu ba povu sira laiha kbi’it hodi defende sira nia dereitu no enkoraja sira nia direitu atu estadu trata sira ho dignu,” Nia Hakotu.
Jornalista : Joni Mau Risa.
Asisten Editór : Pedro de Almeida
