EKONOMIA · 27 Feb 2024 17:22 ·

SEFOPE Halo Mudansa Ba Oráriu Teste Lian-Ingles Iha Munisipiu 4


SEFOPE Halo Mudansa Ba Oráriu Teste Lian-Ingles Iha Munisipiu 4 Perbesar

Lafaek News—Sekretariu Estadu Formasaun Profesional no Empregu (SEFOPE), Kuarta, 27/02/2024, fo sai liu husi konferénsia imprensa katak iha mudansa oráriu teste eskrita ba kandidatus sira hodi munisipiu Bobonaro, Dili, Lautem ho Manatutu

“Depois de ami halo avaliasaun entre tékniku sira ho SEFOPE iha alterasões balu ita presiza halo, bazeia ba númeru kandidatus ho munisipiu sira nomós bazeia ba SEFOPE, ninia forsa traballu ne’ebé atu mobiliza ba implementasaun programa refere, ho ida ne’e, ami konvoka enkontru konsellu diretor hamutuk ho sekretariu estadu formasaun professional no empregu, hodi deside halo mudansa balu iha munisipiu, mudansa ba loron teste eskrita lian-ingles iha munisipu balun”. Carlito haktuir.

Nia dehan, mudansa ba teste eskrita lian-ingles iha munisipiu balun, tanba bainhira ita halo data teste lian-ingles hanesan ho munisipiu ha’at (4), ami nia rekursus umanus sei la sufisiente atu halo teste iha munisipiu ha’at ho data ne’ebé hanesan, razaun ida tan mak iha Fulan Marsu nia laran iha loron feriadu ba paskua, entaun husi ida ne’e ita tenki fó mós espasu ba kadidatus traballadór sira ne’e ba tuir feriadu ne’e iha ida-idak nia munisipiu.

Iha konferensia pers ne’e rasik, Diretor Jerál SEFOPE, Carlito Rosario, fó sai katak, depois de halo abertura ba programa teste lian-ingles ba kandidatus traballadór Australia, hahú husi loron 24 to’o 25 fulan ida ne’e iha munisipio Oe-Cusse la’o ho d’iak.

“Tanba ne’e ami fó sai ba públiku nomós ba kandidatus traballadór sira hotuatu hatene kona-ba munisipiu sira ne’ebé mak iha mudansa oituan kona-ba data implementasaun teste eskrita lian-ingles, husi munisipiu hirak ne’e mak hanesan Bobonaro husi inisiu planu ba teste iha loron 16 to’o 17 fulan ida ne’e, maibé ita muda fali ba iha loron 23 to’o 24 fulan Marsu, munisipiu Lautem no Manatutu data inisiu iha loron 09 to’o 10 Fulan Marsu, maibé mundasa fali ba loron 06 to’o 07 Fulan Abril no ikus liu mak munisipiu Dili, planu inisiu ba teste lian-ingles iha loron 25, 26 no 27 Fulan Marsu, maibé adia fali ba loron 11, 12 to’o 13 Fulan Abril tinan 2024”. Carlito Informa.

Nia dehan, husu ba kandidatu trabaladór sira ne’ebé husi munisipiu ne’ebé ohin ami fó sai katak, imi pasensia oituan hodi hein data ne’ebé ami fó sai, atu nune’e ita bo’ot sira prepara-an halo didiak hodi to’o loron teste eskrita lian-ingles ita bo’ot sira bele halo buat ruma iha ne’eba hodi hetan valor ne’ebé diak.

“Iha momentu ida ne’e mós atu fó sai kriteira balu, liu-liu kona-ba kriteira oinsá mak bele pasa iha prosesu teste ida ne’e, iha ne’e atu dehan deit katak materia atu ba teste eskrita lian-ingles hamutuk (50), husi ida ne’e ami konsidera katak, iha momentu ita bo’ot sira tuir teste metade husi númeru 50 ne’e mak loos, ita bo’ot sira bele pasa ba prosesu entrevista, signifika katak, númeru 50 ne’e kada kandidatu ida tenki loos 25 hodi hakat ba fase entrevista, sé loos mak númeru 24 deit sei la pasa teste eskrita, hodi tama fase entrevista”. Diretor Jerál SEFOPE hakotu.

Jornalista : Crispin de J. Amaral

Editór       : Agapito de Deus

356 Views
Artikel ini telah dibaca 1,202 kali

Baca Lainnya

BUNDA Loke Servisu ba Komunidade Liu Husi Transforma Aihan Lokal ba Aihan Modernu   

26 April 2024 - 23:24

Traballadór Austrália Fulan 1 Manan $ 4.000 Too $ 5.000

26 April 2024 - 09:13

FJDE Apoiu EhD Dezenvolve Setor Kafe Uut Sirkula Ona Iha Merkadu Nasional

22 April 2024 - 15:52

Grupu Hortikultura Maudiu II Glenu Fulan 1 Hetan $ 2400, Sosa ona Kareta 2 Ho Uma Luxu 3

22 April 2024 - 15:28

SEKopp Halibur Movimentus Kooperativa Nudar Baze Fundamentu Ekonomia Família

6 April 2024 - 12:44

Fernando Lay Lamenta ho Desizaun DNTT Hapara Motor 3 Roda ho Tum-Tum  

4 April 2024 - 10:41

Trending di EKONOMIA