Lafaek News—IX Governo liu husi Sekretariu Estado Komunikasaun Sosial (SEKOMS) servisu hamutuk ho Ministériu Ensino Superior Siénsia no Kultura (MESSK) fasilitas Jornalista nain 10 atu kontinua estudo iha Universidade Nasional Timor Loro sa’e UNTL , UCT no UNITAL iha area komunikasaun sosial klase estensaun.
SEKOMS Expedito Dias afirma antes programa ne’e realiza SEKOMS hamutuk ho MESSK hala’o ona enkontru ho nain ba media sira, maibe ate agora dirijente media sira seidauk hatoo naran Jornalista ba parte ensino superior hodi alista nudar estudante ba ano letivo 2026 no objetivu husi escola ne’e oinsá Jornalista sira la’os de’it prátika iha terenu maibé oinsa aprende mos teoria siénsia
“Enkotru barak ami halo ona ho direhente media hotu, ami esplika ona oinsa planu Secoms servisu hamutuk ho Ministériu Ensino Superior, maibé too agora naran husi kolega sira tuir escola iha UNTL, UCT, UNITAL iha area komunikasaun sosial ate agora direjente Ita bo’ot sira nian seidauk hatoo naran ami hatoo tiha karta oficial ba,ami tau mos ceriteria katak Governu fasilita kolega ne’ebe hakarak atu kontinua escola aprende diak liutan tanba ita bo’ot sira aprende ona iha tereinu, maibé presija mos teoria iha siénsia jornalismu, entaun governu fasilita hamutuk ho ensino superior siensia no kultura atu lori kolega sira escola estensaun iha kalan, maibé too agora media ida seidauk haruka naran mai tanba mai presisa ema nain sanulu iha anu letivu iha tinan 2026,” SEKOMS Expedito Dias Ximenes ba Jornalista sira iha UNTL, 11/09/2025
Iha fatin hanesanm Xefe Departamentu Komunikasaun Sosial (UNTL) Roberto da Costa Paicheco, afirma katak governu seidauk hala’o enkotru hamutu ho xefe departamentu komunikasaun sosial, maibe departamentu Komunikasaun sosial antes ne’e hala’o kolaborasaun ho Asosiasaun Jornalista Timor Lorosae no TLPU, no ho programa Governu nian ne’ebe atu aloka Jornalista ba escola iha departamentu Komunikasaun sosial nafatin loke dalan ba Jornalista sira atu hala’o prosesu estudu iha UNTL.
“Kona ba estudante extensaun ate agora governu seidauk deside buat ruma entaun ami labele halo komentário, maibé desde uluk kedas UNTL ne’e liliu departamentu komunikasaun social halo kolaborasaun diak ho jornalista sira liliu asosiasaun AJTL ho TLPU no mos sira seluk departamentu Komunikasaun social nakloke ba Jornalista Sira ne’ebe hakarak kontinuasaun sira nia estudu iha UNTL,”nia argumenta.
Tuir planu Jornalista hamutuk nain 10 sei hala’o estudu iha Universidade Nasional Timor Lorosae (UNTL), Intituto Katólika Timorense (UCT) no Universidade Oriental Timor Lorosae (UNITAL), kriteria ba Jornalista tenki servisu tinan lima ona iha media.
Jornalista: Ana Maria/Maria Jose de Jesus
