Lafaek News—Sekretariu Estado Komunikasaun Sosial (SECOMS), Expedito Dias Ximenes, kinta (11/09/2025), halo palestra hamutuk ho estudante Departamentu Komunikasaun Sosial (UNTL) kona-ba importansia komunikasaun sosial iha area demokrasia no dezenvolvimento nasional.
Iha oksaziaun ne’e Expedito Dias Ximenes hala’o mos abertura ba espozisaun ne’ebé estudante sira hala’o kona-ba teoria jornalístiku no prátika kona-ba reprotajen eskrita, gráfiku no foto jornalistiku inklui thalk show.
“Ha’u mai fo palestra ho tópiku importánsia Komunikasaun sosial no dezenvolvimentu nasional no ohin halo abertura ba semininário loron tolu ba obra estudante sira nian apresia tanba alin sira la’os hetan de’it teoria ba siénsia jornalismu iha UNTL, maibé sira mos halo reportajen eskrita, iha foto Jornalismu iha mos, iha mos grafiku jornalismu inklui foto jornalistiku no thalk show, atividade ida ne’e IX Governu konsitusional sempre fo apoiu ba departamentu komunikasaun sosial tanba Ita hakarak produz Joven ne’ebé kualidade iha area Komunikasaun social,” Expedito Dias Ximenes ba Jornalista Sira iha Kampus UNTL Kaikoli Dili, 11/09/2025
Iha fatin hanesan, vise reitor asuntu akadémiku Universidade Nasional Timor Loro sa’e, Jose Magno, haktuir siénsia no obra ne’ebé estudante sira aplikasi liu hosi produsaun audio vizual ba sira nia relatóriu hola parte ona iha dezenvolvimento avansadu rekurso umanu Timor-Leste hodi kontribui ba siénsia teknolojia tanba produsaun audio vizual ho kualidade as.
“Ne’e brilante Ida ne’e sai hanesan kultura departamentu Komunikasaun sosial, ne’ebé sira nia produsaun audio vizual liga ba sira nia relatóriu hakerek, fotografia sira ne’ebé hasai, ita bele dehan ne’e avansadu ba dezenvolvimentu iha Timor no pesoal ida-ida senti sira aprende buat ruma antes sira gradua iha sira nia departamentu Komunikasaun sosial no kutribui ba desenvolvementu siénsia no tecnolojia,” Vise retor ne’e sublina.
Observasaun lafaek news nota katak semináriu ne’e sei hala’o durante loron tolu hahú husi 11 to dia 13 no abertura hetan partispasaun másimu hosi estudante UNITAL, UNDIL, IOB no UNTL rasik.
Jornalista : Maria José de Jesus/Ana Maria
