Lafaek News–Tersa feira 9/12/2025 Sekretria Estado Komunikasaun sosial, Expedito Dias Ximenes, realiza sorumutu ajensia internasional United Nations Development Programme UNDF no Embaxador Japaun Timor Leste hodi ko’alia kona-ba projetu ba edifisiu Radiu Televizaun Timor-Leste (RTTL,EP) ne’ebe retira hela husi kompañia Aulia multi Sarana husi Indonézia.
Hafoin enkontru ne’e, Expedito Dias xinenes argumenta, projetu edefisiu RTTL iha atrazu uituan razaun kompania Aulia multi sarana husi Indonézia labele kontinua hala’o tanba bee sae maka’as.
“Ita hotu hatene atrazu oituan tamba iha prosesu ne’e liu ba kompania ida husi Indonesia mak manan depois nia halo fulan tolu nia senti katak be’e sae makaas no haree katak laiha kapasidade atu kontinua nia rejigna-an Governu Japaun ho Governu TL hamutuk ho UNDP halo fali enkontru ida atu bele kontinua fila-fali projetu ne’e,” SEKOMS Expedito Dias ba Jornalista sira iha UN Cofi Anan, Caicoli, Dili, 09/12.
Nia hatutan, da-daun ne’e kompania PT Amitas mak sei kontinua fila-fali halo projetu ba edefisiu RTTL ne’e no agora sei hala’o hela dezeñu no sei hotu iha fulan rua nia laran.
“Projetu ida ne’e agora dezeñu foun ohin sira hato’o agora iha ona kompania ida manan ona atu halo dezeñu foun no dezeñu ne’e sei hotu iha fulan rua ne’e nia laran, komesa ohin to’o fulan Fevereiro 2026,sei mai aprezenta fila depois ami hare’e fali tamba iha diminuisaun oituan, uluk Governu iha Osan iha atu halo andar haat,maibe ho situasaun rai Caicoli ,ho nia pezu husi andar 4 ne’ebe iha karik la auguenta ho rai Caicoli nia iha ,entaun diminui fila fali ba andar tolu ,maibe iha hela dezenhu nia laran
Sei hahu konstrusaun fali iha fulan Março 2026,tuir UNDP hanesan impementador ba projetu ne’e ne’ebe apoiu husi Governu Japão ne’e sei halao durante 16 mezes ,katak hahu iha fulan Março 2026 sei remata iha fulan Setembru ka Outubro 2027” nia esplika
Iha fatin hanesan Reprezentate United Nation Development Program (UNDP), Katyna Arguenta, afirma Projetu ida ne’e atu haforsa demokrátiku husi sidadaun sira nian, Projetu ne’e iha objetivu rua: komponente programa formasaun Jornalismu no konstrusaun edifisiu estatal nian.
“Komponente dahuluk, Ita servisu hamutuk ho RTTL hodi fo formasaun ba jornalista sira oinsa sira hala’o sira nia funsaun ho di’ak entaun komponente ida ne’e la’o diak tebe-tebes i agora atu remata ona no komponente da-ruak maka konstrusaun ba edifisiu RTTL ninian, enkuantu atu halo konstrusaun ne’e hasoru dezafius barak entaun iha faze primeiru hasoru fallansu, liu husi ne’e hatene ona ninia dalan hodi UNDP hetan fali ona konpaña foun, halo kontratu fali ona atu hahhu halo dezeñu foun ba edifisiu media estatal ne’e, ita espera katak ba ohin kompaña hala’o ninia servisu, projetu sira bele lao tuir ninia orariu no projetu tuir nia tempu,” tenik Reprezentante UNDP TL.
UNDP ne’e hato’o agradese ba lider RTTL ne’ebe iha kolaborasaun no ba Governu Japaun nia komitmentu ba projetu ne’e no parte dezenvolvimentu sustentavel iha Timor-Leste.
“Kompaña ne’ebé atu halo dezeñu ne’e halo ona kontratu ho sira, kontratu ne’e lao tiha ona no sira kontinua hala’o nia servisu,” dehan Katyna.
Embaixador Japaun iha Timor Leste, Tetsuya Kimura mos hatete Governu Japaun mos sei esforsu hodi rezolve dezafiu no sei avansa projetu ne’e.
“Hau hakarak hato’o ha’u nia apresiasaun kona-ba koperasaun di’ak entre Governu TL no Governu Japaun, enkontru ida ohin ne’e diskuti kona ba oinsa atu avasa projetu ida ne’e ba oin, enkontru ohin ha’u renova hau nia komprimisiu nu’udar reprezentante Governu Japaun ba projetu ida ne’e,Projetu ida ne’e enfrenta dezafius kona ba rai nian ami mos komprende kona ba ida ne’e bazeia ba dezafius sira ne’ebe mak ohin ami koalia ,ami diskuti kona ba oinsa atu resolve dezafius ne’e iha futuru.”dehan embaxador japaun.
Entretantu orsamentu ne’ebé apoiu husi Governu Japaun ho montante dolar 5.9, dezeñu ne’e kontinua ho orsamentu ne’ebe mak iha ba konstrusaun ne’e $4.4 konstrusaun, restentante ba treinamentu ba jornalista sira. orasamentu ne’e jestora husi UNDP.
Jornalista: Gracia Soares/ Maria Jose de Jesus
