NASIONÁL · 22 May 2024 18:38 ·

SEATOU Halo Eviksaun Komunidade Becora Temporal La Liu Husi Diálogu  


SEATOU Halo Eviksaun Komunidade Becora Temporal La Liu Husi Diálogu   Perbesar

LafaekNews—Negosiante merkadu Bekora Temporal, Adino Mascarinha lamenta ho asaun Sekretáriu Estadu Asuntu Toponimia no Organizasaun Urbana (SEATOU) ne’ebé halo evikasaun ba komunidade sira la liu husi diálogu molok hasai.

  Reprezentane komunidade merkadu Becora Temporal, Adino Mascarinas lamenta ho SEATOU ne’ebé hala’o eviksaun ba komunidade iha area merkadu Becora laran presiza halo dialogu ho komunidade sira hodi husu sira nia hanoin molok sai husi fatin refere.

“Tuir lolos hanesan sekretáriu estadu presiza halo diálogu ho povu la’ós dehan katak lakohi halo diálogu ne’e tanba povu ida hela iha laran ne’e sidadaun nasaun ida ne’e ninian, baibain boot sira rona ona no haree iha fatin hotu-hotu ema sempre dehank koopera maibé kria kondisaun ida ne’e mak povu nia hakarak más bainhira la kria diálogu signifika katak estadu ida ne’e nunka konsidera povu nia halerik ita bele dehan nune’e,” Adino Mascarinhas lamenta ba jornalista sira relasiona asaun SEATOU iha merkadu Bekora Temporal, Kuarta (22/05/2024)

 Hatan ba lamentasaun ne’e, Sekretariu Estadu Assunto Toponimia no Organizasaun Urbana (SEATOU), Germano Dias Brites, afirma eviksaun ne’ebé hala’o iha merkadu Becora temporal parte husi espasu públiku nune’e fo espasu ba transporte públiku asesu livre.

“Ohin ne’e atividade loloos mai tan iha merkadu Becora atu haree iha espasu públika oin ne’ebá ne’e ita sei sobu hotu atu organiza halo didi’ak atu iha oin ne’e hussi estrada boot tama too odamatan ne’e tenke livre kareta sira bele tama-sai iha ne’e i nune’e mai too laran ne’e aproveita obras públika hasai hela rai-henek iha mota entaun ita mai ateru dadauk ona iha laran ne’e para ba futuru ne’e ita hadia merkadu ne’e lalika susar tan rai henek entaun ohin ne’e rai henek sira mai fakar iha ne’e para ita halo kaber iha ituan ne’e para depois sira fan iha li’ur ne’e bele lori tama hotu  mai laran,” SEATOU ne’e fundamenta.

Entretantu ekipa husi jestaun merkadu ne’ebé foti dadus uma kain primeiru iha li’ur  ba parte vendedores merkadu Becora nian hamutuk 78, ho ida  ne’e ekipa jestaun merkadu rekoila tan dadus daruak ba komunidade sira ne’ebé hela iha merkadu laran kuase 300 resin.

“Dadus ne’e ita foti hotu ona primeiru dadus ne’e primeiru ne’ebé maka Diretor jestaun merkadu foti ne’e setenta oitu de’it, depois dadus segundu mai husi mós komunidade sira hela iha laran ne’e kuase to’o trezentus ona, entaun sira nia dadus ne’e orsida sei tama hotu ba iha Munisípiu Dili para depois ba futuru kuandu obra ne’e la’o ona obras públika halao ona hadia merkadu ne’e dadus sira ne’e iha hotu Munisípiu Dili hodi halo notifikasaun ba sira,” governante ne’e sublina.

Jornalista  : Aniceto Dias

Editor     : Agapito de Deus

68 Views
Artikel ini telah dibaca 307 kali

Baca Lainnya

Ministru Nova Zelândia Vizita Musseu Rezisténsia

14 June 2024 - 02:15

Uma Kain 113 Hetan Estragus Iha Territóriu Nasional

11 June 2024 - 01:59

CNC!.P Hametin Kooperasaun Kapasidade Institusional ho Universidade Katólika Kupang

16 May 2024 - 23:47

HWPL Calls for Peace Amid Rising Tensions Between Israel and Iran

13 May 2024 - 10:58

CVTL  Selebra Loron Fundador Henry Dunant No Ezestensia CVTL Ba Dala 161  

8 May 2024 - 19:41

Presiza Konsidera Aspeitu Mudansa Klimátika iha TL

24 April 2024 - 00:05

Trending di NASIONÁL