Lafaek News—Organizasaun Internasional ba Trabalho (ILO) no Tradelnvest Timor Leste ohin asina akordu kooperasaun Teknika, ko’alia kona-ba oportunidade hodi dezenvolve negosiu nu’u iha Timor Leste.
akordu ne’e hetan suporta fundu husi União Europia ba projetu kompeténsia agro-florestal, atu halibur sinerjia entre parte sira ne’ebe envolve hodi expanda merkadu no promove komérsiu no investimentu iha kadeia de prosesador to’o komprador no investidor.
Nu’u nudar produtu plantasaun popular iha Timor Leste no kuaze kuda ona iha fatin barak, liu iha area kostal ho produsaun estimadu toneladas 30,000 kada tinan kobre area total ho ektares12,000 ho agrikultor hamutuk 16,000, negósiu nu’u iha potensial bo’ot no iha merkadu internasional ne’ebe seidauk utiliza hanesan Austrália no nasaun sira iha Europeia husi produtu nu’u sira hanesan nu’u isin, nu’u kulit/nu’u koir no nukakun, ne’ebe seidauk explorado uza prosesa iha Timor-Leste.
Decio Ribeiro Sarmento nudar Diretor Promosaun Exportasaun Tradelnvest TL, hateten oras ne’e da-daun Timor Leste faan nu’u ba konsumu doméstiku de’it no nu’u nia prosesamentu limitadu ba produtu balun hanesan kopra no mina nu’u virgem Coconut Oil (VCO).
“Ho asina akordu kooperasaun téknika ho ILO, ami hein katak ami bele Spanha variedade produtu nu’u iha Timor Leste, Laos deit kopra ka vco, maibe ita mos bele produs,produtu seluk hansan coco peat coco RBD para trable, Timor Leste bele explora merkadu internacional hodi hasa’e negosiu exportasaun no atividade sira iha rai laran.” Nia esplika
Contry Director ILO ba indonesia no Timor Leste, simiring singh, hateten iha nia Diskursus, ILO liu huso projetu kompetensia Agre floresta bele suporta Desenvolvimentu negosiu Kadeia de valor nu’u iha Timor Leste.
“ILo kontinua suporta Governu Timor Leste liu husi oferese formasaun ablidade ba juventude, feto no familia iha area rural para sira bele hetan empoderamentu ekonomiku no hetan abilidade ne’ebe presiza atu hamutuk kolabora ho setor privado atu espanda plantasaun nu’u no negósiu iha eskala industrial, ne’ebe sei kontribui ba ekonomia nasional no oportunidade iha negosiu no emprego”nia afirma.
Iha biban ida ne’e, Embaixador Delegasaun Uniaun Europeia nian, Marc Fiedrich hateten projetu abilidade agro-florestal ne’e hetan fundu husi Uniaun Europeia, hodi kontribui ba diverifikasaun ekonomia iha Timor-Leste,liu husi identifikasaun oportunidaee ba dezenvolvimentu agro-flerestal foun iha kadeia de valor nu’u.
“Ami espera ho projetu ida ne’e atu hasa’e kapasidade juventude no feto sira iha Timor Leste no fo abilidade empreendedurizmu no dezenvolventu, agro-florestal atu kria sira nia empregu rasik no dezenvolve ekonomia nasaun,” Marc sublina
Marc argumenta, hafoin seremonia asina akordu hala’o mos workshop no aprezenta emprensa susesu rua iha negósiu nu’u husi nasaun Indonesia mak hanesan PT Bali Coco and PT Indobriket, ne’ebe exporta ona produtu nu’u ho variedades oin-oin ba merkadu internasional, Representante husi empresa rua refere partilha sira-nia koñesimentu no esperensia kona-ba oinsá atu dezenvolve negósiu nu’u ne’ebé susesu.
Formasaun ida ne’e hanesan sesaun introdutóriu atu envolve ni empodera empreza sira iha Timor Leste atu investe ni partisipa iha dezenvolvimentu negósiu liu husi kadeia de valor nu’u nian, ne’ebe fasilita husi projetu Abilidade Agro-florestal ba Emprego no rezilénsia ni hetan suporta finansial husi Uniaun Europeia (EU) no implementa husi ILO.
Estagiada : Maria de Jesus / Jonaida Corte Real
Editor : Aniceto Dias
