NOTÍSIA JERÁL · 19 Apr 2023 13:09 ·

SASCAS Apoiu Sosiedade Sivil Estabelese Sentru Informasaun Atu Observa Kampania ELPAR 2023  


SASCAS Apoiu Sosiedade Sivil Estabelese Sentru Informasaun Atu Observa Kampania ELPAR 2023    Perbesar

Lafaek News—Servisu Apoiu  Sosiedade Sivil no Auditoria Sosial (SASCAS) hamutuk ho OXFAM Timor Leste, apoiu Forum Organizasaun Noun-Governamentál Timor Leste (FONGTIL) estabele sentru informasaun ho intensaun atu halo observasaun rutina ba prosesu kampania eleisaun parlamentár 2023.

Iha konfetrénsia imprensa tersa semana ne’e, diretor ezekutivu FOONGTIL, Valentim da Costa Pinto, argumenta estabelesimentu sentru informasaun ne’e bele posibiliza ona membru sosiedade sivil hotu hotu bele halo observasaun ba atividade kampania inklui eleisaun.

“Fo espasu ba ami nia membro no sosiedade sivil tomak bele halo observasaun ba atividade kampaña no tempu ida eleisaun,” katak Valentim.

Diretor FONGTIL ne’e  relata, FONGTIL hola ba oportunidade dala ida tan hakarak kontribui  ba eleisaun parlamentar iha tinan 2023 nian liu husi estabelesimentu sentru informasaun ba eleisaun Parlamentar ninian ne’ebé sei funsiona mandatu periodu kampaña la’o no mos ba eleisaun ninian.

Objetivu prinsipal husi estabelesimentu Sentru informasaun ida ne’e tuir konstituisaun artigu 47 no 45 permite bele tau matan ba eleisaun parlamentar ninian ne’ebé nakloke transparansia no sei permiti ba ema hotu bele halao nia direitu ho diak.

“Ne’ebé ami mos haree katak ba situasaun atual liu-liu ba eleisaun parlamentar ne’ebé atu la’o, hahú husi Abril depois prezidente dekretu ita nia data eleisaun nian ne’ebé sei akontese iha dia 21 de Maiu fulan oin, ne’ebé kontinua forum Timor-Leste mezmu kontinua observa ita nia lalaok sira no ohin hanesan loron ofisial komesa akompaña la’o, 

     Diretor Forum ONG Timor-Leste FONGTIL Valentim dehan iha tempu eleisaun sidadun balun sei la kumpri sira nia direitu tanba governu la kria sentru votasaun paralelu.

   Iha mos ita nia governu liu husi CNE atu kontinua atu oferese fasilidade sira ne’ebé bele permiti ita nia maluk sira ne’ebé vota iha sentru votasaun sira liu-liu ita nia maluk sira ne’ebé ho defisénsia matan maibé ha’u hanoin tempu sira ne’e ho badak loos, ita observa katak fasilidade sira ne’ebé hameno iha rai liur ne’eba lori mai iha ne’e

Iha sorin seluk, Diretor Oxfam Felisiano da Costa Araujo sublina, atividade hanesan importante tebes ba komunidade hodi hatene klean liután, liga maluk defisiensia sira feto vulneravel sira liu-liu inan sira ne’ebé iha area rural sira presiza espresa sira nia diretu dala ruma defisil.

“Tanba ita la bele akumula sira iha ne’eba no mos alin oan sira ne’e agora dadauk ne’e tama ona iha tinan ida ne’ebe atu ezerse sira nia direitu hanesan votantes,”sublina Felisiano.

  Hatan ba kestaun hirak ne’e, Diretor nasional STAE Tulia Honorina, esplika orgaun rua hanesan STAE ho CNE tuir de’it desizaun husi governu hodi fasilita eleitor sira ba tuir eleisaun iha periodu tinan 2023 ne’ebé monu iha loron 21 fulan Maiu, maibé sidadaun ba tuir eleisaun tenke apresenta kartaun eleitoral.

 “Nuudar orgaun eleitoral ida hanesan tuir ita boot sira ona, iha Timor iha orgaun eleitoral rua CNE orgaun supervisaun independente ida ne’ebé mak nia tau matan liu-liu ba iha prossesu kampaña ne’ebé sei hahu iha loron kuarta dia 19, ida seluk mak orgaun ezekutivu STAE rasik mak ha’u apresenta iha ne’e, STAE nia knaar atu ezekuta prosessu tomak atu dehan ba ita boot sira, agradese ba Fongtil bele loke Sentru Informasaun bele habelar liután alende ne’e atu apoiu mos orgaun eleitoral sira atu informasaun observador tantu internasional nasional sira no mos ba publiku konaba prosessu eleitoral eleisaun parlamemtar ba tinan 2023 nian,” katak nia

Reprezentante STAE ne’e fundamenta, ema hotu hatene katak V alterasaun ne’e ba lei eleisaun parlamentar nian ne’e ne’ebe hatoo husi governu ba Prezidente Repúblika veta tiha, lei ida ne’ebe vista iha tinan 2017, tanba iha 2018 la halo alterasaun.

“Ita so adisiona de’it, igual ida kona-ba iha dekretu governu 4 ne’ebe fo dalan ita nia sidadun ita nia estudante sira ita nia reitor universidade atu fo deklarasaun nia residensia ba sira, maibé ida nee válida de’it iha eleisaun antisipada tinan 2018 nian, sei la utiliza ba eleisaun seluk, entaun signifika ita uza lei númeru 9 iha tinan 2017  nian enkuantu halo alterasaun ba lei numeru 6 tinan 2006, iha ne’eba mos ko’alia la hanesan eleisaun prezidensial tinan 2022 nian,” nia esplika.

Hodi dehan, ezemplu media sira tenke vota tuir unidade jeografikas husi media labele hanesan tinan 2022 bainhira hetan kredensial bele vota iha fatin ne’ebé hala’o  hela kna’ar, agora iha alterasaun entaun somente ba funsionáriu públiku estadu ne’ebé apoiu servisu direta iha prosessu eleisaun bele ba vota iha fatin ne’ebe nia hala’o hela kna’ar.

Nia dehan, eleisaun parlamentár eziste de’it observasaun, tanba sentru votasaun paralelo la’os STAE mak la fasilita ba eleitor iha tempu eleisaun parlamentar.

“Ita sei laiha tan monitorizasaun iha tinan 2022 ita iha monitorizasaun no observasaun como la altera lei signifika observasaun de’it monitorizasaun sei la eziste,” nia sublina.

Entretantu,  Diretór Ezekutivu SASCAS, Edwin Duarte Soares Noronha, reforsa katak Servisu de Apoio a Sociedade Civil e Auditoria Social, garante katak prosessu ne’ebé STAE no CNE no ba sosiedade Sivil maka inspirasaun boot ba SASCAS hodi aprezenta ba governu, no SASCAS nian mak intermédiario kona-ba prosessu ne’e tomak.

“Ami nia knaar ida mos bele sai intermediario ba ita boot sira nia reklamasoens ho hanoin ne’ebé presiza lori ba lideradu sira, la’os sascas sai oposisaun fali ba ninia kna’ar Sascas intermediario husi ita boot sira nia hanoin no deskobrementu ne’ebé ita boot sira durante prosesu kampaña no eleisaun jeral, ami fatin akompaña imi, espera ita boot sira kontribui makaas ba STAE no CNE oinsá atu bele garantia eleisoens mais transparánsia demokrátiku tuir lei konstituisaun repúblika,”hakotu Edwin.

Jornalista : Arnaldo Nunes

Editor        : Agapito de Deus

297 Views
Artikel ini telah dibaca 39 kali

badge-check

Editor

Baca Lainnya

Guarda Floresta Foun Hamutuk 807 Sei Asina Kontratu Asegura Ailaran

1 April 2024 - 15:41

Uma Kain 72 Hetan Estragus Hosi Dezastre Naturais iha Semana Ne’e

25 March 2024 - 17:21

CVTL Ensera Treinamentu Primeira Sokorru Durante Loron 3 Ba Jornalista TL

24 March 2024 - 13:28

Xefe Suku Komoro Ho Komunidade Limpeza Merkadu

3 March 2024 - 09:17

CNC Asina Nota Entendimentu ho Asosiasaun Profissionais Psikolojia Timor-Leste

29 February 2024 - 08:58

LH Rezeita Adezaun ba WTO, Presiza Proteje no Promove Ekonomia Rai Laran

27 February 2024 - 17:11

Trending di NOTÍSIA JERÁL