Lafaek News—Partidu Centru Asosiasaun Social Demokrata Timorense ( C-ASDT) mai ho objetivu kualifika ema, tanba ema mak sai nu’udar baze fundamentál atu dezenvolve área petrolíferu, agrikultura no turizmu hodi hadia kreximentu ekonomia Timor Leste.
Asuntu ne’e hato’o husi sekretáriu Jerál partidu C-ASDT Gali Soares Araujo, iha nia komisipiu polítika ba dahuluk iha kampu Futeboll Taibesse, kuarta (19/04/2023) katak C-ASDT mai ho objetivu atu foka liu ba iha oinsa atu kualifika ema, ema mak sai nu’udar baze fundamentál atu ita dezenvolve área petrolíferu, agrikultura, Turízmu.
“Programa ne’ebé mak ami foka hanesan setór noun petrolíferu, agrikultura oinsa agrikultura atu transforma sai produtu ne’ebé suporta ho di’ak iha nivel internasionál atu bele aumenta reseitas iha nasaun Timor Leste, Turízmu tanba turízmu mós sai nu’udar industria ida ne’ebé mak luan tebetebes hodi kobre área hotu-hotu iha Timor Leste”, katak Sekjer partidu C-ASDT Gali Soares Araujo iha abertura kampaña partidu C-ASDT iha Kampu FC.portu taibesi kuarta (19/04/2023)
Nia deklara, Timor Leste hatudu ona katak povu ne’e bele moris ho turízmu nune’e mak C-ASDT foka oinsa mak atu dezenvolve ema, infraestrutura bázika sira ne’ebé mak bele fó apoiu ba turízmu, tanba turízmu mak sai alternativa ekonómika ba iha tempu naruk no sustentabilidade.
“Ami fiar katak ho programa hirak ne’e maka Juventude apresenta iha obrigasaun tomak atu tau matan ba joven sira, no iha obrigasaun tomak atu foka prióridade ne’ebé mak halai liu ba juventude sira nian”, Gali reafirma.
Iha fatin hanesan Prezidente interinu partidu C-ASDT, Izac do Rosário hateten hafoin abertura komisiu polítiku ne’e hateten, Partidu CASDT hamrik iha 2015 to’o agora partisipa kampaña ba dala tolu ba ida ne’e, C-ASDT fiar juventude hotu hamrik fó vitória, partidu CASDT ne’e mai ho jerasaun foun ho moto katak ita mak agora ita mak futur
“Ha’u fiar katak juventude hotu hotu-hotu iha ne’e sei lori vitória ba iha partidu C-ASDT, hamrik legálmete hanesan jerasaun foun hamrik fali hodi hakat ba oin kaer interese povu nian”, dehan Prezidente interinu partidu C-ASDT Izac.
Iha okaziaun ne’e nia dehan, Partidu C-ASDT hamrik iha 2015 to’o agora partisipa kampaña ba dala tolu ba ida ne’e, CASDT fiar juventude hotu hamrik fó vitória, partidu C-ASDT ne’e mai ho jerasaun foun ho moto katak ita mak agora ita mak futuru.
Iha fatin hanesan observadór CNE José António do Rosário hateten, Bazeia ba CNE observa ohin dader to’o agora dadaun la kontra regras ruma, no orariu ne’ebé partdu ne’e submete ba iha CNE la’o tuir duni oráriu, parte partidu la uza patrimonio estadu nian ruma iha kampaña ne’e.
“Ami mai hanesan observadór ekipa husi CNE nian, bazeia ba ami observasaun ohin dader to’o agora dadaun la kontra regras ruma, no orariu ne’ebé partidu ne’e submete ba iha CNE la’o tuir duni oráriu, sira partidu la uza patrimonio estadu nian ruma iha kampaña ne’e”, katak observadór CNE José.
Observasaun jornalosta lafaek News iha terenu nota katak abertura kampaña partidu C-ASDT ne’e hetan observasaun másimu husi orgaun eleitorál Komisaun Nasionál Eleisoens (CNE), Sekretáriu Tékniku Administrasaun Eleitorál ( STAE) no hetan seguransa másimu husi Polísia Nasionál Timor Leste ( PNTL).
Jornalista : Rita Moniz
Editór : Agapito de Deus
