EKONOMIA · 7 Jan 2021 09:45 ·

Sai Hosi Uma Tuku 7, Fa’an Manu-tolu Da’an Hodi Suporta Maun Nia Eskola


Sai Hosi Uma Tuku 7, Fa’an Manu-tolu Da’an  Hodi Suporta Maun Nia Eskola Perbesar

Lafaek News—Dimas baibain bolu ho istimadu Aziu (11), hosi Oekusi sakrifika aan rasik hodi husik nia estudu, dadeer san rai hun mutin sai hosi uma ba fa’an manu tolun hodi apoiu nia maun kontinua nafatin eskola.

Dimas, ne’ebé idade sei ki’ik maibé iha espíritu luta liu fali ema ne’ebé ho idade boot tanba nia Brandi foti desizaun hodi para nia eskola atu nune’e bele ajuda inan aman buka osan ba ajuda nia maun ne’ebé daudaun ne’e sei tuur iha banku eskola Pre Sekundáriu.

Dimas la hanesan labarik ki’ik sira seluk ne’ebé aproveita tempu hodi halimar ho kolega no família, nia konsidera tempu hanesan osan mean, bainhira la aproveita didi’ak maka sei lakon leet de’it.

Tuir mai Dimas konta ba Lafaek News katak, fa’an sasán refere la iha obriga hosi ema ida maibé ne’e inisiativa rasik fa’an hodi hakmaan netik inan aman nia todan.

“Ha’u nia tinan sanulu resin ida ,ha’u mai hosi Oekusi no agora daudaun hela ho tiu sira iha tasi tolu. Ha’u fa’an manu tolun la’ós obrigatóriu hosi inan aman maibé ha’u na’in rasik mak hakarak hodi fa’an, osan ne’ebé iha hola fali maun nia sapatu no kadernu,” Dimas ba jornalista lafaek News iha Faról, kinta semana ne’e.

Nia hatutan, antes mai fa’an sasán iha Dili, tuur ona iha banku eskola primária kintu ano maibé obriga aan para estudu tanba hare ba nesesidade uma laran komesa aumenta todan bainhira aman domin labele buka osan hanesan ema seluk tanba gurinda hakanek ain no agora labele halo atividade hanesan fali uluk ona.

“Gurinda mak kona ha’u nia papa nia ain, no agora kondisaun grave tebes, labele buka osan hodi suporta ami na’in tolu nia eskola, sira na’in rua de’it mak eskola, ha’u la eskola fa’an manu tolu de’it,” konta nia ho matawen

Nia dehan, sai hosi uma dadeer hodi mai fa’an sasán la’o ain de’it, ida ne’e tenke obrigadu nia halo tanba moris iha mundu ne’e la fasil hanesan fila liman de’it. Entaun hakarak ka lakohi nia tenke simu realidade ne’ebé daudaun ne’e hasoru.

“Ha’u sai hosi uma Tasitolu tuku hitu dadeer ba fa’an manu tolun to’o tuku sanulu resin rua meudia. Deskansa oi tuan bainhira hamlaha hola es buah hodi han hafoin ne’e la’o tan ba fa’an, kuandu manu tolun ne’ebé mak fa’an la hotu lori fali ba uma de’it,” argumenta nia

Maski ho dezafiu ne’ebé hasoru tanba la’o ain do’ok la habaruk nia hodi nafatin buka osan maski ho idade ne’ebé ki’ik nia sente responsabilidade boot ba família liuliu ba maun domin atu kontinua nafatin eskola.

Kontribuitora : Domingas Viana

 Editór             : Ezequias Tomás

 

1,359 Views
Artikel ini telah dibaca 89 kali

badge-check

Editor

Baca Lainnya

SEFOPE Halo Mudansa Ba Oráriu Teste Lian-Ingles Iha Munisipiu 4

27 February 2024 - 17:22

SEKoop Posse Estrutura FENACU-LENDA NA’IN 8

6 February 2024 - 10:19

Governu Apresia Kompania Patricia Fresh Lounge Unip.lda Prodúz Sosis-Timor ho Tua-Manas

26 January 2024 - 08:20

ADB Apoiu Ona Osan Miliaun 600 Ba Estadu TL Inklui impréstimu

12 January 2024 - 18:18

SEFOPE Haruka Tan Timor-Oan 67 ba Servisu Iha Austrália  

10 January 2024 - 16:43

MNEK-ADB no Trade Investe Estabelese Akordu Servisu no Investimentu Iha TL  

10 January 2024 - 08:57

Trending di EKONOMIA