Lafaek News—Ronios Freitas Almeida estudante ida husi Universidade Nasionál Timor Loro Sa’e (UNTL) fakuldade FEAH, buka rasik osan hosi fan sigaru ho pulsa responde nesesidade uma-laran ho eskola.
Ronios sai hanesan joven inspirador ba joven seluk, iha era modernizasaun ohin loron, realmente joven balun buka servisu mate an too ema rain toba iha uma tatis ida ba tatis seluk, tanba buka osan, nasaun Timor Leste nia rikus soin hanesan mos nasaun sira seluk iha mundu planeta ida ne’e, iha de’it diferénsia kiik Timor iha faze konstrusaun estadu, nasaun seluk liu ona konstrusaun estadu habosu de’it sira nia povu hodi hein distinu mate nian.
Ronios nia hanoin dook husi situasaun ohin loron, labele moe no baruk, labele hein no tane liman, xave mk kadi kakutak oinsá bele hetan osan, no oinsá bele hamtein baze ekonomia iha rai-laran, nia fahe tempu, ba buka matenek no buka osan, xave imporante ida tan mak jere tempu ho balansu.
Nu’udar estudante labele moe buka osan no labele lakon konfiansa atu kontinua estudu ho ekonomia uma laran ne’ebé la sufisiente maibé importante esforsu an hodi fa’an netik buat ruma hodi sustenta moris lor-loron nian no importante mos hodi selu ha’u nia escola, ami hamutuk nain neen Feto ida no mane lima ”. Ronios Freitas Almeida ba Jornalista iha bundaran Nicolau Lobato, Dili, kuarta (31/08/2022 ) .
Ronios dehan, joven hotu kuda hanoin negosiu mak sei la loke dalan ba ema estranjeiru mai aruma osan iha Timor lori ba ema nia rain, kadi kakutak ba hodi kompete ho negosiante emigrante, tanba se lae loron id aba loron ruma, joven Timor halai hotu ba ema nia rain no joven bainaka sei nakonu iha Timor dominante, di’ak liu labele soe tempu, respeita netik tempu ne’e, tanba tempu mak osan mean.
Ha’u mos fahe tempu hanesan tempo ne’ebé mak eskola no tempu ne’ebé mak hala’o ha’u nia atividade hanesan fa’an pulsa no sigaru, lukru ne’ebé ha’u hetan la barak, maibé bele aguenta ha’u nia moris lor-loron no lukru ne’ebé ha’u US 40 dollar ka liu, osan ne’ebé hetan ha’u hodi selu ha’u nia eskola no kos”, Dehan Ronios Freitas Almeida.
Ronios hatutan katak atividade ida ne’e hala’o kuase besik tinan ida ona, liu husi atividade ne’ebé hala’o hanesan mak fa’an pulsa no sigaru hodi bele selu nia eskola no mai husi familia simples, tenke esforsu an hodi halo buat ruma ne’ebé fo benefisiu diak atu avansa ba oin hodi nune’e bele atinje objetivu .
Kuandu aula laiha jam 8 ha’u tenke sai husi uma mai largo atu hala’o ha’u nia atividade hanesan baibain, se kuandu aula iha dader entaun loraik mak ha’u mai fa’an , aula kuandu jam 2 entaun dader ha’u tenke mai fa’an hafoin ba tuir aula, ha’u la sente kolen ho ha’u nia atividade ne’ebé ha’u hala’o, iha difikuldade barak ne’ebé enfrenta ho ha’u nia estudu maibé ha’u tenke buka meios oinsa atu bele rezolve lalais tia atu nune’e ha’u kontinua ha’u nia atividade no ha’u nia estudu” , Salenta Ronios Freitas .
Husu ba maluk estudante sira hotu labele lakon konfiansa no labele moe atu buka osan iha ema barak nia oin tanba moris iha mundu ne’e ho ekonomia uma laran ne’ebé mak diferente ho ema seluk .
iha sorin seluk, Inacio la’o husi Largo too Tasi tolu hodi faan sigaru no pulsa tanba atu hare nia alin sira nia eskola no sustenta mos familia sira, nia la’o husi Largo too Tasi-Tolu hodi buka osan la sente kolen tamba nesidade uma laran no nia alin sira estudo ne’ebe obrga nia atu buka osan.
Ha’u Faan sigaru no pulsa ne’e Maske loron ida hetan lucru sae liu mak $30 mos hau agradese nafatin tamaba lor-loron ha’u hetan lukru hanesan ne’e ha’u jere ho di’ak no hodi uza ba han hemu no alin sira nia presija sira mos.”dehan Inacio da Costa ba jornalista iha Largo Loron, Kuarta (31/08/2022
Inacio hatutan, husi 2019 too Agora nia faan sigaru no pulsa ho Bisikleta husi Largo too Tasi-Tolu, maibe nia labele hetan Lukru ne’ebe mak barak tanba agora ne’e ema barak mos faan ona no laos nia de’it mak faan pulsa no sigaru ne’ebe depende ba sorte de’it karik sorte di’ak nia bele hetan lukru iha loron ida.
Osan neebe mak ha’u hetan lor-loron hau uja ba nesesidade uma laran no hare mos alin nain rua ne’ebe agora dadauk eskola hela iha SMA Santu Antonio Manatuto ami uma laran hamutuk nain 4, nain rua sei eskola ida seluk seidauk eskola nia ha’u mak nuudar mane boot iha uma laran ne’ebe ha’u buka osan hodi kompleta nesesidade uma laran nian.” Nia Hakotu
Estajiadu : Aldina/Silena Albuquerque
Editor : Agapito de Deus
