Lafaek News—Produtu Nuu iha valor di’ak ba saúde mane sira haforsa enerjia bainhira halo servisu todan iha oras 14 loron monu ba tasi.
Nuu laloir nia presu fuan ida $1.00, negosiante sira gosta fan besik tasi-ibun no fatin ne’ebé iha movimentu husi ema, hemu been no han nia isin nurak iha tempu loron manas, bele bolu fali ran hirak ne’ebé ran foer sira falun metin, no fera rahun mos ran foer ne’ebé sai feruzen iha ema nia rui-let sira husi ema nia isin lolon.
Vantrajen no benefisiu nuu laloir no nuu-been sira hetan husi nia konteúdu nutrisaun ne’ebé barak, konteudu nutrisaun ida-ne’e hahú husi vitamina C, asidu nicotíniku, asidu pantoteniku, biotín, riboflavin, asidu foliku no seluk tan, tan ne’e, ema ida-idak bele han bei-beik, no benefisiu husi coconut foin-sa’e konsume di’ak tebes hodi apoia saúde isin nian, masin ne’ebé di’ak tebes ho na’an nuu no bee fresku halo ema barak gosta atu hemu bee nu’udar manu-makikit bainhira tempu manas sei sente kmaan tebes.
“Ha’u mai fan nu’u iha embaixada Korea nia oin, tanba iha prosesu fatin ida sei halo ba jardin tamak ida, maibé kliente atu hola ha’u nia nu’u mak seidauk iha, maibé loron ida sira sei hola, maibé ha’u faan iha ne’e loron ida ha’u bele hetan $ 20.00 dolar depende ema mai hola sempre folin di’ak,” Jose das Neves.
Negosiante nuu ne’e gosta fan liu mak nuu laloir durasaun tempu tinan 4 ona, konfiansa tebes ba iha nuu, tanba nuu nia merkadu di’ak liu iha rai-manas laran, rendimentu husi nuu sustenta oan sira nia eskola no hatan mos ba nesesidade iha uma-laran.
“Ha’u tau osan funan ituan ha’u bele haree ha’u nia oan sira nia eskola ha’u nia oan 4 eskola hotu nain 2 iha ensinu pre-segundaria nain 2 iha ensinu pre-primaria, sira eskola hotu iha eskola publiku entaun hakarak ka lakohi ita tenke fo netik osan raun ruma no tenke selu sira nia eskola, Ha’u senti faan nu ne’e mak fo benefisiu diak liu ba ha’u, tanba sae nu ne’e mak kolen, maibé hatun ona hatama ba tiga roda ne’e kamaan ona ita tur de’it ona, bainhira ema mai sosa ona bele hetan osan $50.00 too $60.00, see ita faan rahun de’it $ 70.00 hanesan ne’e mak ita hetan, maibé prossesu mak naruk nu’u sai aat, ita lakohi buat ne’e akontese entaun fo ba restaurante sira no sira telefone ita lori ba la hanesan ona ho osan funan nia, más bele responde ba nessesidade uma laran,”hatete Nia.
Nuu laloir hirak ne’ebe nia faan la’os foti de’it iha fatin ida no folin iha nia hun mak diak liu tanba ajuda ambulante bele hetan nia rendementu, nuu fresku hirak naturalmente husi Ermera suku Tarasu, Dili ho Likisá inklui Baukau, sosa husi baze nuu fuan ida sentavus 25, bainhira lori mai fan fali fuan 1 $1.00.
José das Neves husi suku Samalari postu administrativu Baguia, munisípiu Baukau, no rezidénsia atual iha pantai kelapa no husi Baukau mai Dili dezde 1993 too ohin loron moris ho nuu laloir.
Jornalista : Arnaldo Nunes
Editor : Agapito de Deus
