Lafaek News–Koordenador Eskola Bázika Filial I, II no III sekulu aldeia Rululi suku Tulataqeu, postu administrativu Reméxio, munisípiu Aileu menus kadeira, meja, sala aprendizajen inklui ho professores.
Koordenadór eskola I,II no III Sékulu Rululi, Carlos Mendonça ba Lafaek News hateten, eskola refere rasik iha manorin nain 5 de’it kompostu husi permanente nain 2 no kontratadu 3 mak hanorin husi primaria to pre-sekundaria, total estudantes hamutuk nain 256, bainhira ezame manorin nain sira tenki hamrik de’it tanba meza ho kadeira la sufisiente.
“Fasiliadade eskola nian mos menus tebes tan ne’e husu ba edukasaun munisípiu too Ministériu Edukasaun atu bele buka solusaun rezolve lalais preokupasaun ne’e,” katak Carlos Mendonca ba lafaek News iha kna’ar fatin, suku Tulataqeu Aldeia Rululi Postu Administrativu Reméxio munisípiu Aileu, Sesta (02/09/2022).
Koordenador ne’e haklaken tuir ba lafaek news difikuldade ne’ebé eskola be;e hasoru mak menus professors, sala de aula ho kadeira ho meja, profesores nain lima de’it hanorin estudantes hamutuk 256 (atus rua lima nulu resin neen) iha sala 4 troka malu dadeer ho lokraik.
“La’os de’it ba sala de aula menus inklui fasiliadade hirak hanesan meza no kadeira, durante ne’e sempre halo pedidu bei-beik, maibé too agora problema hirak ne’e seidauk iha ninia rezultadu,” katak koordenador ne’e.
Nia dehan, too ohin professor atu hanoin ensinu pre-sekundaria nian laiha, nune’e professors nain lima ne’e mak hanorin troka malu too agora.
“Problema ba sira mak iha eskola Rululi rasik manorin nain ba eskola ensinu pre-sekundaria laiha, enataun sira mos buka alternativu seluk atu manorin sira ne’ebé kontratadu iha ne’eba karik balun mak sira nia materia ka disiplina iha oras meudia nian, enataun obrigasaun dadeer sira hanorin tiha primaria, meudia karik sira nia oras sei iha entaun uza fali tempu atu hanorin fali alunus sira pre-sekundaria ne’e, tanba iha eskola ne fahe ba rua iha dader hahu husi oras tuku 8 to 11 ne’e primaria hahu fali hsi tuku 1 liu minutu 30 ne’e ba fali pre sekundaria ho razaun tanba sala de aula la too.” Nia hakotu.
Nia akresenta Timor Leste ukun an besik tinan 20 resin ona, maibé setor edukasaun nia problema labele resolve, maske nasaun kiik no populasaun uituan, governu presiza halo reflesaun bainhira aloka osan ba setor ne’ebé laiha importánsia, hanesan nasaun so ema matenek mak bele halo mudansa ba dezenvolvimentu nasionál.
Jornalista : Nicolao Fernandes
Editor : Agapito de Deus
