Lafaek News–Onra boot ba Telekomunikasi International (Telin) hodi simu Vizita Kortejia husi Vise Ministro finansas kometivas ne’ebé reprezenta estadu Timor-Leste.
iha komunikadu imprensa ne’ebe lafaek news asesu mensiona katak objetivu fundamental husi vizita Kortejia husi Vise Ministro Finansas TL, Antonio Freitas ba Telin, atu hatoo agradesimentu ba Telin ne’ebé hala’o operasional telekomunikasaun liu husi Telkomcel ne’ebé eziste tinan 10 ona iha Timor-Leste.
Governo mos rekoñese Telin nudar investidór fo kontribuisaun ba dezenvolvimentu nasaun Timor-Leste liu husi operador telekomunikasaun Telkomcel.
Reuniao ne’e hala’o entre Vise Ministro das Finanças ho Kometivas no Konselleru Embaixador Timor-Leste iha Indonesia, Agostinho Barreto ho Board of Directors (BoD) husi Telkom, Telin no Telkomcel iha edifísiu Telin, Jakarta-Indonesia, loron 31 Agostu 2022.
Board of Directors (BoD) husi Telin mos hatutan, nudar investidor kontribui ba dezenvolvimentu, Telin loke kampu servisu ba Timor-oan, kapasitasaun ba rekursu umanu, promove igualidade jenéru liu husi feto iha kareira no realiza ona ho porsentu 50 iha lideransa feto.
Vise Ministru hatutan katak Telin Timor Leste, nudar parseru dezenvolvimentu kontinua haree ba oin atu koopera hamutuk hodi halo promosaun ba setór Turizmu liu husi produtu Cáfe.
Iha biban ne’e mos CEO Telin, Budi Satria hato’o ba Vise Ministro katak, ohin loron Era Digital nune’e efisiénsia tebes utiliza Platform Digital ba Marketing, nune’e bele mundo tomak rekoñese produtu Kafé Timor, liu-liu kafé Orgánika.
Molok remata reuniaun, Vise Ministru das Finansas mos kontinua husu ba Telin TL tau matan nafatin ba Timor oan sira no-mos kontinua investe nune’e dezenvolvimentu nasaun rua bele la’o di’ak benefisia direta ba povu rai rua. (remata)
