Lafaek News–Ro Majestadu Nian (HMS) Spey, ro foun Real Marina nian naran River Class Offshore Patrol Vessel, sei vizita Dili, Timor-Leste hosi 25 to’o 27 Agustu 2023 hodi halao interkambiu kultural ho Ro Marina Timor nian no mos estudantes lokal sira. Ida ne’e sei sai nudar vizita Ro Marina Real nian mai Timor-Leste. HMS Spey halao tiha ona serbisu tinan lima iha rejiaun Indo-Pasifiku hamutuk ho ro irmaun, HMS Tamar. Serbisu besik ho aliadus no parseiru sira, ro ida ne’e ajuda rezolve dezafius seguransa oioin no suporta nasaun sira hasoru impaktu mudansa klimatiku.

HMS Spey mak ‘matak liu’, ro ida nebe ambientalmente saudavel tanba iha instalasaun konverte kataliku ho funil hodi kapta no redus emisaun CO2. Ro ne’e foin dadaun halo patrulamentu hodi kombate peska sira ne’ebe la reguladu, la reportadu no illegal, no mos halo survey ambiental sira. Iha 25 Agustu, Komandante HMS Spey Lt Cdr Mathew Milyard sei fo benvindu ho resepsaun ofisial ba Ambasador Británika foun ba Timor-Leste Dominic Jermey ho Presidente José Ramos-Horta.

Ambasador Británika (Dezignadu) ba Timor Leste Dominic Jermey hatete:

“Harii parseria forte ho Timor-Leste mak sai nudar misaun importante Reinu Unidu nian iha ne’e. HMS Spey nia prezensa nudar demonstrasaun komitmentu fiziku Reinu Unidu nian hodi haklean relasaun diplomatiku, ekonomiku, no hametin lasu seguransa ho Timor-Leste no mos nasaun sira seluk iha rejiaun Indo-Pasifiku nian.

Hau haksolok tebes atu hatete katak HMS Spey mak ro ida matak liu entre Ro Marina sira no halo tiha ona serbisu besik ho nasaun sira iha rejiaun ida ne’e iha area importante sira hanesan adaptasaun klimatika. Timor-Leste importante ba Reinu Unidu tanba ninia lokalidade estratejiku no mos nia klima ho nia vulnerabilidade ekonomia. Hau hein ho haksolok atu fo benvindu ita nia kolega sira, parte interesadu hosi Timor-Leste inklui Exelensia Presidente José Ramos-Horta hodi sae ro HMS Spey.”

Komandante HMS Lt Cdr Matthew Millyard hatete:

“Ro Naval seidauk mai vizita Dili iha tinan 20 nia laran, Kompania Ro nian ho hau kontente los atu hetan experiensia kultura iha nasaun furak Timor-Leste. Vizita ida ne’e mos nudar opurtunidade optimu baa mi atu sosa sasan no ense mina hodi nune’e HMS Spey bele kontinua halao nia misaun iha rejiaun Azia-Pasifiku. Ami haksolok tebes ho ospitabilidade mak hatudu hosi Timor-oan sira”.

 Notas ba Editores:

• Ami konvida media atu halo kobertura ba entrada HMS Spey ho ninia atividade diplomatika sira iha portu Dili, iha Sesta, 25 Agustu 2023, hahu 09.00 dader.
• Atu rejistu ita bot sira nia media bele kontaktu Ofisial Media Embasada Británika nian Adela Theresa +62 0811 986 3435 (Whatsapp)

·       Espesifikasaun HMS Spey mak hanesan tuir mai:

•         Tesi besi dahuluk: 21 Abril 2017

•         Lansa: 19 Juñe 2019

•         Fo naran: 3 Outubru 2019

•         Hetan komisiu: 18 Juñe 2021

•         Halo iha: Govan Shipyard, Glasgow, Scotland, UK

•         Porto nudar baze: Her Majesty’s Naval Base Portsmouth

•         Moto: “Mack Sicker – Make Sure”

•         Ro naval da-8 mak tau naran SPEY

•         Batalha onorozu iha pasadu: Atlantic (1942-44), North Africa (1942-43), Burma (1944-45)

•         SPEY dahuluk lansa iha 1814 hodi halo funu Napoleaun nian, Estasionadu iha St Helena ho Malta.

•         HMS SPEY ba da-4 mak Medina Class Gunboat halo operasaun iha Guera Mundial 1.

•         HMS SPEY ba da-6 mak River-class Frigate halo operasaun iha Konvoi Batalha iha Atlantiku, Aliadu iha Invazaun Frances Norte Afrika no mos Kampaña Konvoi Defesa nian iha Burma.

•         Tau hafoin River Spey ho naruk 107 milas iha Scottish Highlands hosi Loch Spey ba Moray Firth

•         Naruk: 91m

•         Bara: 14m

•         Rascunho 3.9m

•         Velosidade: 25-30 kts

•         Bele atinji tasi: 5500nm/10200km

•         Akomodasaun: Bele lori marinero nain 60 ho forsa embarkada 50 extra = ho total 110

•         Besik 20% hosi marinero sira mak feto, 80% merinero mane.

•         Armamentu: 1x SEAHAWK A2 30MM Chain Gun; 2x Mark 44 Miniguns; 4x General Purpose Machine Gun

•         Patrusidaora ba ro ne’e: Lady Allison Johnstone

•         SPEY mak foun liu iha Navio Real nian

•         SPEY mak ro ida ‘matak liu’, ambientalmente saudavel hos Navio Real hotu no instala ho converter kataliku ba funil hodi redus emisaun CO2.

•         Bele lori forsa nain 50 hanesan Marinero Komando Real nian, Forsa Espesial, no unidade militar sira seluk.

•         Dek ba aviaun nian bele atende Merlin Mark 2 or Wildcat helicopters.

•         Spey halao tiha ona operasaun tinan 5 iha pasifiku, halo serbisu ho naval parseiru sira ho forsa marinero sira, aliadu sira iha rejiaun, promove treinamentu konjunta no mos kooperasaun nasional.

•         Spey halao tiha ona operasaun ho fornese ajudus emerjensia hodi fo tulun ba Tonga hafoin erupsaun volkaniku Hunga-Tonga ho tsunami, no mos SPEY fornese vasina ba Teritoriu Ultramarinu Reinu Unidu nian iha Pitcairn Islands.

•         SPEY kontinua serbisu ho Pacific Islands of Niue, Solomon Islands, Cook Islands, Samoa, Tonga, Fiji, Vanuatu, halo patrulamentu hodi proteze peskas  liu hosi koordenasaun ho polisia lokal no mosh o ajensia emerjensia sira.

•         SPEY halo tiha ona treinamentu no partisipa iha ezersisiu naval marina nian ho Fiji, Australia, New Zealand, Japan, France, Singapore, India, Malaysia, Singapore, USA.