Lafaek News—Organizasaun Raes Hadomi Timor (RAES), loron 25/07/2024, ofisialmente entrega fasilidade asesimentu asesibilidade ba Eskola Báziku Sentral (EBC-sigla Portugés) suku Mehara postu administrativu munnisipiu Lautém, inkui Eskola Baziku Sentral Be’adi suku Aiteas Manatutu atu ema ho defisiénsia bele asesu ho asesivel.
“Oin ne’e kona-ba assesimentu ba ranpa sira ne’e ho ninia haris-fatin atu assesu ba ita nia alunos sira ne’ebé kondisuan defisiensia, maibé ha’u hanoin la’os ba defisiente de’it, Ita bele dehan katak inkluzivu ba maluk sira ne’ebe defisiensia no maluk sira ne’ebe normal mos bele asesu,”Diretór EBC Mehara, Antonio do Carmo, ba Lafaek news iha EBF Mehara (25/07/2024).
Iha lansamentu no entrega fasilidade asesibilidade hirak ne’e, diretor EBC Mehara ne’e husu estudante sira atu aproveita fasilidade hirak ne’e ho responsabilidade, kuidade atu bele uza ba tempu naruk, alem de total estudante defisiensia hamutuk 3 kompostu husi mane 2, feto 1, mane nain rua ne’e ho tipu defisiénsia fíziku mental, no feto ida defisiensia ain.
“Hanoin ha’u nia lia-fuan oin hatoo iha enkontru ne’eba katak ami sei hatoo ba ami nia alunos sira atu ita kontrola ho laran ho fuan atu buat ne’ebé mak ita nia parseiru sira halo ona mai ita nia eskola ne’e bele uza kle’ur no mos planu oin mai, ami husu atu labele haree ba eskola Mehara de’it, maibé iha eskola balun sei presisa ita nia tulun atu asesu mos hanesan ami eskola ne’e, Antonio do Carmo sublina.
Iha fatin hanesa, Administradór postu administrativu Tutuala, Carlito Pereira husu estudante sira atu kuidade fasilidade hirak ne’e atu nune’e bele utiliza ba tempu ne’ebé naruk.
“Ita bele lansa ona katak atividade hotu projetu hotu ne’e finaliza hotu ne’e tuir ona padraun bolu assesibilidade ba ema ho defisiensia bele assesu ho di’ak no garantia sira nia seguransa ne’e ho di’ak, ita konvida ema hotu mai assiste ida ne’e katak, Tutuala mos marka tan istória ida katak Ensinu Báziku Sentral Mehara iha ona fasilidade assesibilidade ba ema ho defisiensia sira,” Administrador postu Tutuala Hatutan Carlito Pereira argumenta.
Administrador husu ba benefisiario sira atu utiliza fatin ne’e ho di’ak hodi lori tempu naruk, no kuidade di’ak liután atu fasilidade hirak ne’e bele dura nafatin atu jerasaun sira aban-bainrua nian bele uza nafatin.
“Oin iha Ha’u nia intrevensaun katak sasan hirak ne’ebé konstrui da-daun ohin ita entrega ona, ne’e hanesan ita empresta hela ba ita nia bei-oan sira sei iha knotak laran, bainhira sira moris mai sira senti katak buat ne’ebé konstrui ne’e karik sira moris mai defisiensia ka la ho defisiensia mos sira utiliza ona, ha’u enkoraza nafatin ba utilizadór sira iha sentru Ensinu Báziku Sentral Mehara ne’e atu tau matan fasilidade hirak ne’e ho garantidu ho ninia higéniku ho dala ida de’it,” administrador Tutuala ne’e hakotu lia.
Observasaun lafaek news nota, fasilidade hirak ne’ebé konstui husi RHTO mak hanesan ranpa tolu inklui haris fatin rua kompostu husi feto no mane, iha serimonia entrega fasilidade hirak ne’e, professores no estudante EBC Mehara sente kontente tanba eskola refere iha ona fasilidade ba asesmentu ba ema ho defisiénsia bele asesu ho asesivel alem de ne’e mos RHTO entrega fasilidade hanesan iha EBC Be’adi suku Aiteas, postu administrativu Manatutu-Villa, munisipiu Manatutu, no iha eventu serimonia lansamentu ne’e hetan transmisaun direta husi media Lafaeknews Tv.
Jornalista : Arnaldo Nunes
Editor : Agapito de Deus
