Lautém (Lafaek News)-Rezultadu Teste ba funsionáriu Sekretáriu Estadu Formasaun Profisionál Empregu (SEFOPE) iha Munisípiu Lautém hatudu negativu.
Husi teste Swap ka sample ne’ebé foti husi médiku sira ba funsionáriu SEFOPE ida ne’ebé halo kontaktu direta ho funsionáriu SEFOPE ida pozitivu iha Dili, husi teste swap ne’e hatudu ona rezultadu negativu ne’ebé livre husi surtu Covid1-9.
Tuir deklarasaun Diretór Saúde Munisípiu Lautém, Bernardo Lopes liu husi vila telefone ba Lafaek News, hatete, funsionáriu ne’ebé ekipa saúde foti ona teste ho rezultadu negativu rezultadu ne’e fó sai iha tuku 00:01 loraik, kuartu ohin.
“Rezultadu ba teste primeriu ne’e negativu, maibé tuir protokolu entre loron ualu to’o loron sanulu tenke foti fali sampel da-ruak atu haruka kedas ba Dili, se sampel kedua ne’e mak negativu ita livre ona husi Covid-19, agora dadauk funsionáriu ne’e sei kontinua hanesan suspeta hodi hein ba teste da-ruak ne’ebé sei halo, sura husi loron ne’ebé mak médiku sira foti sampel ba nia, ha’u orientá ona ekipa atu fó hatene ba nia atu kalma nafatin hodi hein teste da-ruak ne’ebé sei halo iha segunda semana oin mai,” nia esplika.
Maske, ho teste primeriu ba funsionáriu SEFOPE ne’ebé negativu Diretór Saúde ne’e husu nafatin atu komunidade Lautém kontinua kalma, kumpre nafatin protokolu no mantein distansia sosiál, fase liman bei-beik no uza maskra hodi hadok a’an husi Covid-19.
Jornalista : CE Lautém
Editór : Floriano Saores