SAÚDE · 10 Mar 2021 13:06 ·

MS Rejista Tan Kazu Positivu Na’in 3, Populasaun Labele Pániku


MS Rejista Tan Kazu Positivu Na’in 3, Populasaun Labele Pániku Perbesar

Lafaek News—Ministériu Saúde (MS) liu husi sala situasaun Sentru Integradu Jestaun Krije (SIJK) resjista tan kazu positivu Covid-19 na’in 3, nune’e apela ba populasaun sira hotu labele pániku no kalma atu kumpre nafatin regras konfinamentu domisiliáriu jerál.

Koordenadór forsa tarefas ba prevensaun no mitigasaun surtu Covid-19, Rui Maria de Araújo, esplika, hafoin deteta kazu foun rua iha bairru BTN II, Tasi Tolu, Suku Madohi, Postu-Administrativu Dom Aleixo, iha dia 7 de Marsu, ekipa konjunta saúde buka-tuir kontaktu-besik husi kazu rua ne’e. Atividade buka-tuir kontaktu-besik, hahú dia 7 ne’e  kedas, to’o ohin meiu-dia, total iha 472 amostras.

“Husi amostra hirak ne’e, total iha 24 pozitivus (husi horiseik, mai ohin iha tan kazu pozitivu hamutuk nain 3),” dehan kordenadór forsa tarefas ba prevensaun no mitigasaun surtu Covid-19, Rui Maria de Araújo liu husi konferénsia imprensa iha sala situasaun SIJK CCD, Kuarta (10/04/2021).

Porta vos dehan, husi mós atividade rastreiu aleatóriu/random screning, ne’ebé hala’o husi dia 6 Marsu, to’o ohin iha Dili laran, ekipa konjunta saúde rekolle 1281 amostras. Husi total amostra ne’e, 528 negativo, 752 iha prosesu hela no  seidauk iha ida maka pozitivu.

“Kazu detetadu ka pozitivu iha Dili, fahe ba foku/agrupamentu/cluster hanesan tuir mai: BTN II-Terra Santa: kazu 6.  Ministériu Finansas/Aldeia 4 Setembru, Comoro: kazu 4. SEFOPE: 9. Bebonk: 2. Ministériu Transportes no Komunikasaun : Kazu 2. Hospital Nasional Guido Valadares:1,” dehan nia

Entertantu dadus jeral ne’ebe sala situasaun Sentru Integradu Jestaun Krije (SIJK), relata, kazu foun 3, kazu rekuperadu laiha ka 0, kazu ativu hamutuk 51.

Nune’e mós portavos apela, ba populasaun iha Dili laran tomak, atu nafatin kalma, lalika pániku, halo tuir regra konfinamentu domisiliáriu jeral, ba populasaun rezidente iha Munisipiu Dili, fo’o tempu ba ekipa saúde buka tuir kontaktu-besik sira hotu.

“Governu deside ona atu hakotu serka sanitaria, hakarak apela ba populasaun iha Covalima, atu nafatin disiplina iha medidas protesaun no ijiene pesoal, no evita hakat ba mai iha fronteira,” nia informa.

Alende ne’e mos kooredenador husu ba populasaun Timor-Leste tomak, liu-liu  iha munisipiu sanulu seluk ho RAEOA tu’ur hakmatek iha fatin, atu nafatin matan-moris neon nain, pratíka nafatin medida sira ne’ebé ita hotu hatene ona: (a) Uza mascara; (b) fase liman beibeik ho sabaun ka dezinfetante ruma; (c) evita kose liman ba matan, inus ho ibun; (d) wainhira kumprimenta malu, lapresiza ka’er liman, bensa-liman, rei-malu ka haku’ak  malu; (e) evita halibur malu barak; (f) hamri’ik ka tur do’ok husi ema seluk, mínimu metro ida ho balun.

Jornalista         : Sandi Belo

Asisten Editór : Pedro de Almeida

1,652 Views
Artikel ini telah dibaca 6 kali

Baca Lainnya

MS Asina MoU ho Universidade Tazmania Atu Hakotu Mortalidade Maternal iha TL  

22 September 2023 - 15:27

CVTL Liu Husi Banku de Sangue  Hala’o Atividade Doasaun Ran Iha Fundasaun PAX

31 August 2023 - 14:08

MAP-MS Ameasa Virus Rabies Sei La Tama TL “Labele Pániku”  

2 June 2023 - 15:04

Pasientes HNGV 200 Resin La Ezerse Direitu Votus

21 May 2023 - 15:20

“Merese” Kondekora Médiku Cubanu 71

9 May 2023 - 12:31

Komunidade Berkoli Simu Tratamentu Matan Husi Klibur  Profisional Partidu CNRT

3 April 2023 - 17:09

Trending di SAÚDE