Lafaeknews-Eskola Sekundária Jerál 10 de Dezembro Komoro Dili, ohin rona rezultadu ikus iha exame nasionál, husi totál estudante 680 ne’e, Leonilda Claudia hetan primeiru lugar iha eskola refere.
Tuir diretur Eskola Sekundáriu 10 de Dezembro Comoro Dili, Domingos Savio, katak, Senti orgullu Tamba estudante sira molok atu ba ezame sira iha preparasaun ne’ebe mak di’ak to’o ohin sira rona ona sira nia rezultadu iha ezame nasionál
“Ha’u haree estudante sira ninia preprasaun ba ezame nasionál ESG 10 de Dezembro iha rezultadu ne’ebé mak diak i ha’u orgullu tamba estudante sira molok atu ba tuir ezame nasionál sira mós iha preparasaun ne’ebé mak di’ak to’o ohin Sira rona rezultadu,” dehan diretur ESG 10 dezembru, ba lafaek news iha Comoro foin lalais ne’e.
Nia haktuir, tan liga Fila fali ba valor eskola estudante nia eskola 10 de Dezembru mós hetan valor ne’ebé mak di’ak hanesan mós eskola sira seluk
“Liga Fila fali ba ba valor finalista sira nian, ne’ebé hetan valor ne’ebé mak a’as too valor (50) no ha’u husu ba estudante sira labele kontente liu maibé prepara imi nia-an hodi ba kontinua iha ensinu superior Sira,” dehan Nia
Iha Fatin hanesan estudante finalista ne’ebé mak hetan primeiru lugar, Leonilda Claudia Monteiro, Senti kontente tamba nia hetan valor ne’ebé mak di’ak
“Ha’u kontenti tebes tamba hetan valor ne’ebé mak di’ak no ha’u hetan primeiru lugar iha eskola refere no ha’u husu ba ha’u nia maluk sira ne’ebé mak hetan valor di’ak labele kontenti liu maibé prepara Ita nia-an didi’ak hodi ba kontinua Ita nia estudu iha ensinu superior”, Nia hakotu
Totál estudante finalista sira ne’ebe mak tuir exame nasionál ne’e hamutuk atus ne’en ualu nulu 680, no estudante ne’ebé mak la tuir ezame nasionál hamutuk tolu nulu 30.
Enkuantu estudante iha teritoíu nasionál ne’ebé mak tuir ezame nasional iha 2021 hamutuk 247.757
Tuir observasaun Jornalista lafaek news nota iha terenu katak, estudante sira rona rezultadu ikus estudante sira kontenti hakilar haklalak no estudante ida-idak pilox farda ninia farda eskola nian, iha okaziaun ne’e hetan seguransa maximu husi PNTL eskuadra Ai-mutin.
Jornalista :Domingas Viana
Asisten editór: Egidio Nono
