Lafaek News—Koordenadór Forsa Tarefa ba Prevensaun no Mitigasaun Surtu Covid-19, Rui Maria de Araújo, informa ohin kinta (18/03/2021), ekipa konjunta saúde deteta kazu pozitivu Covid-19 foun 13, rekupera na’in 1 no atuál baixa hamutuk 119 kompostu husi Vikeke na’in 3 no Dili 116.
Kazu foun ba loron kinta (18/03) rejista 13, iha mane na’in 9 feto nain 4, Idade entre tinan 11-12 ema 2, Idade entre tinan 18-50: nian 11, sintomátiku nain 3 no asintomátiku ka la hatudu sintomas na’in 10.
“Kazu na’in 13 ohin, iha mane na’in 9, feto nain 4, Idade entre tinan 11-12 ema nain 2, idade entre tinan 18-50: nian 11, Sintomátiku nain 3, la hatudu sintomas na’in 10, no Iha munisípiu Vikeke, ohin iha kazu foun 1, hamutuk hotu munisípiu Vikeke iha kazu konfirmadu na’in 3, Kazu foun ne’e profisionál saúde halo kursu pós-laboral iha UNTL, fila husi Dili ba Vikeke iha dia 8 de Março,” dehan kordenadór forsa tarefas ba prevensaun no mitigasaun surtu Covid-19, Rui Maria de Araújo, ba jornalista sira liu husi meeting zoom, Kinta (18/03/2021).
Koordenadór ne’e hatutan, testes PCR ne’ebé hala’o hahú Janeiru 2021 mai to’o horseik, 17 Marsu 2021, hamutuk hotu 16,959, Iha Fulan Janeiru halao 2,567 teste PCR, fulan Fevereiru 6,390, husi 1 de Marsu to’o 17 de Marsu hala’o ona 8002 teste, no husi horseik mai ohin halo 233 teste.
Nia hatete, jusi kazu foun na’in 12 iha munisípiu Dili, no na’in 1 iha Munisípiu Vikeke kazu detetadu ka pozitivu iha Munisípiu Dili husi dia 7 de Marsu to’o ohin, hamutuk hotu 95, Kazu detetadu 95 iha Dili ne’e, fahe ba cluster27, namkari iha instituisaun 4, eventu 1 no Suku 8, no fatin kuarentena 1, iha Postu Administrativu D. Aleixo, Vera-Kruz ho Cristo Rei.
Entretantu, dadus Jerál Covid-19 ba loron ohin 18/03/2021 nian, Kazu foun ohin: 13, Kazu rekuperadu: 1, Kazu ativu: 119.
Jornalista : Sandi Belo
Asiten Editór : Egidio Nono
