Lafaek News—Koordenadór Forsa Tarefa Prevensaun Mitigasaun Surtu Covid-19, Rui Maria Araújo, sampel husi ema na’in 6 ne’ebé ekipa vijilánsia foti ba iha teste swab dahuluk rezultadu negativu maibé samepl ne’e sei bele halo nafatin teste ia oras 24 nia laran.
“Sampel ne’ebe mak ita foti ne’e bele halo ona teste, maibé buat ida ita bolu dehan garante kualidade ne’e, ita sei bele halo teste repete durante 24 oras nia laran,”esplika Koordenadór Forsa Tarefa ba Prevensaun Mitigasaun Surtu Covid-19, Rui Maria de Araújo, liu husi aplikasaun zoom, 18/03/2021.
Nune’e, husi ema na’in neen (6) ne’e agora da-daun evakua ona ba iha izolamentu Tasi Tolu, tanba rezultadu pozitivu ba ema hirak e’e hatudu iha teste repete durante oras 24 nia laran.
Iha parte seluk, pasiente covid-19 ne’ebé da-daun baixa hela iha izolamentu ho inisial A.A. via telefone ba lafaek news iha kinta (18/03/21), katak nia parte kestiona tanba antes ne’e teste swab dahuluk ba nia família nain-6 ne’e ho rezultadu negativu, no to’o agora seidauk halo teste swab ba faze daruak, maibé tanba saida ekipa vijilánsia kontaktu fali katak familia 6 ne’e hetan ona pozitivu covid-19.
“Horseik sira foti ami nia sampel hodi halo teste swab iha ami na’in 2 mak pozitivu sira na’in 6, seluk ne’e negativu hotu, hodi haruka sira halo auto-kuarentena iha uma hodi hein fali swab ba daruak, tanba saida mak seidauk foti sampel atu halo teste swab ba daruak ohin sira telofone fali mai dehan sira na’in 6 horseik negativu ne’e mos pozitivu hotu,” pasiente Covid-19, inisial A. A, via telefone ba Lafaek, kinta (18/03/21).
Pasiente pozitivu covid-19 ne’e hatutan, nia parte la simu ho rezultadu ne’ebé fó sai husi ekipa Vizilansia, tanba seidauk halo teste swab daruak ba nia família na’in 6 ne’e, maibé fó sai fali ona rezultadu katak pozitivu, portante antes ne’e ekipa vijilánsia ba halo teste ba sira no deteta na’in rua mak pozitivu no na’in sanulu negativu no haruka fila halo auto-kuarentena iha uma.
Jornalista : Sandi Belo
Asisten Editór : Nelya Barros
