Lafaek News—Komunidade Uma kain 60 ne’ebé evakua iha eskola 4 setembru UNAMET hafoin akontese dezastre naturais hahú halerik ba nesesidade bazika hanesan ai-han tanba hahán laiha ona atu konsumu loron-loron.
Koordenadór refujiadu Eskola 4 Setembro UNAMET, Francisca da Silva, informa, durante ne’e hetan apoiu nesesidade bazika husi oragnizasaun noun-governamental balun no espoza Maior Jeneral F-FDTL majór jenerál Lere Anan Timur no mos parte governu husi protesaun sivíl no Minstetériu Soliedariedade Sosial no Inklusaun, Ministériu Administrsaun Estatal inklui parte Igreja maka oferese bee, maibé to’o agora hahán laiha ona.
“Ami mai tiha iha ne’e loron 7 sira sei lori hahán mai, husi loron 8 ne’e la lori mai too ohin loron, agora ami nia foos sira ne’e laiha ona, maioria hela iha fatin ida ne’e laiha servisu, no labarik barak entaun foos sira ne’ebé durante fo ami ne’e menus ona ami han ba loron rua no tolu nian deit ona, ami uma kain ida nain tein ida-idak nian hodi han hahán ne’ebé mak durante NGO balun no kompaña privadu sira balun fo mai ami,” dehan Responsavel posko Eskola 4 de Setemberu unamet Balide Dili Fransisca da Silva, Tersa foin lalais ne’e.
Responsavel hato’o kestaun ne’e ho oin triste no matan been nakonu hodi rekomenda ba parte governu atu fó ajudus urjénsia hahán no ropa ba refujiadu iha posko Eskola 4 Setembru UNAMET Dili
“Tanba da-daun ne’e ami hahán menus ona, no sidadaun sira balun iha momentu akontese inundasaun ne’e lori deit ropa isin lolon halai, ami hela fatin ida ne’e mos maioria bisnis faan modo sira mak barak ema servisu laiha, situasaun ida hanesan ne’e hala’o bisnis oinsa no osan laiha atu sosa hahán,” nia sujere.
Ho nune’e, komunidade ne’ebé afetadu dezastre naturais iha loron 4 Abril no evakua uluk ba bombeirus ho protesaun sivíl hafoin muda ba eskola 4 setembru kompostu husi suku Maskarinas, Aldeia Alto balide no total populasaun hamutuk 339 husi uma kain 60.
Tuir observasaun jornalsita Lafaek News iha terenu nota hahán ba komunidade afetadu sira eskola 4 Setembru hahán menus inklui ropa ba komunidade sira.
Jornalista : Rita Moniz
Asisten Editór : Pedro de Almeida
