Lafaek News—Embaixada Estadus Unidos Amerika iha Timor-Leste (EUA-TL), kuarta (21/04),embaixadór, Kevin Blackstone, lansa sorumutu ho Sekretariu Estadu Kooperativu (SEKooP) hodi diskute oinsa hametin kooperasaun iha aspeitu kooperativa entre rai rua ne’e hodi dezenvolve setór koperativa Timor Leste.
“Ami rua Sekretáriu estadu kooperativa ko’alia kona-ba kooperasaun atu indentifika área ne’ebé kopera ho Sekretáriu estadu Kooperativu hodi ita bele servisu ba,” Dehan Embaixada Estados Unidos Amérika Iha Timor Leste, Kevin Blackstone iha Akait hafoin hasoru malu ho Sekoop Tersa 20/04/2021.
Embaixadór EUA iha Timor Leste ne’e, haktuir katak sekretáriu estadu Koperativa halo ona kooperasaun kelur ona ho EUA ho korpu da paz, maske korpu da Paz EUA seidauk Fila mai Timor-Leste maibé importante mantein nafatin kooperasaun.
Iha fatin hanesan Sekretáriu Estado kooperativa, Elizario Ferreira, hateten, objetivu husi diskusaun hamutuk ne’e parte governu liu husi SEKooP aprezenta dezafius kopertiva rai laran hodi husu ba malu oinsa bele kontinua servisu ba oin..
“Resposta ne’ebé posetivu máka ba oin tekniku sira husi EUA ho Sekoop sei tur hamutuk hodi deskuti kona-ba proposta sira ne’e, embaixada eskolla balun hodi tuir programa liu-liu bele liu husi Korpu da Paz,” informa SEKoop.
Sekertáriu relata, iha buat tolu ne’ebé mak sira indentifika ida mak haree liu ba iha área edukasaun formasaun nian no dezenvolvimentu area peskiza produsaun nian no area agrikultura no peskas nian, ne’ebé sira bele reforsa tan iha Kooperativa ida ne’e.
Enkuantu dezafiu ne’ebé mak Sekoop hasoru atu buka apoiu kooperativa sira, primeiru mak limitasaun rekursu umanu, segundu maka kapitalizasaun iha Koperativa iha kapital ne’ebé natoon, terseiru mak dezenvolvimentu koperativu.
Jornalista : Rita Moniz
Asisten Editór : Pedro de Almeida
