Naturalmente iha Mundu no mós kada Nasaun laiha nasaun ida ne’e’ebé mak nunka infrenta an liuhosi dezastre naturais, maibé nasaun hotu sempre liuhosi dezastre naturais tuir natureza nia sirkulasaun ne’e’ebé feitu no laiha ema ida mak bele halo intervensaun enkuantu mais iha ninia karisma la diferente ho ita ema babain, tanba kada nasaun ne’e’ebé iha mundu sempre iha nia Lulik kultura no lisan sira hotu hodi bele simu hahi no hanai hosi nia emar hirak ne’e’ebé mak iha nia sorin kuanan no sorin lós, basa ita nia lulik no natureza sira rasik laiha ibun atu koalia direita ho ita ema Umanu, maibé sira iha tilun atu rona sa lia dadolin mak sei dadolir hosi ita emar sira hene’esan ema komunikadór maske ita la direita, no sira mós iha fuan atu sente no tetu buat hotu ne’e’ebé tatoli ona hosi sira emar tuir realidade hosi nia emar hotu ne’e’ebé obedese ba maske sira fuan la’os hanesan ita fuan ( believe and hope).
Relasaun entre lulik no natureza sira mós sempre iha intersaksaun ho ita ema umanu ne’e’ebé mak habelun an iha ambiente ida hosi ita ema umanu ho lulik no natureza sira mós sempre presija malu tuir nia situasaun no kondisaun ne’e’ebé ita presija malu, maske la’os entermus fisiku maibé esperitualidade ne’e’ebé ita la hare maibé ita bele sente.
Diferente real entre natureza lulik sira hotu ho Maromak iha umanu nia le’et ne’e’ebé iha sosiedade ida:
- Posibilidade ita bele bosok Maromak tuir pessoa ida nia jestu, maibé Maromak sempre perdua ba o nia jestu ne’e’e tan Maromak rasik mak sei lori fila o nia sala ne’e’e rasik iha tempu kuaresma ka paskua no nia sei la hirus maibé nia nafatin hadomi.
Maibé kuidadu atu bosok natureza no lulik sira tuir ita nia jestu hane’esan pessoa ida ka grupu ida, tan natureza sei iha ultimasaun se kuandu ita bebeik.
- Saida mak o husu Maromak sempre fó no nia sei loke odamatan bainhira hetan dere hosi o nia liaman rasik, maibé ikus lapresija troka ho sasan ruma importante o hatene’e agradese iha tempu domingu no hatene’e agradese iha momentu o nia orasaun interna. Saida maka o husu no presija natureza no lulik sira sei hatudu ba o, maibé o tenke hatene’e óinsa atu uja no mós depois de uja apezar de oppening and clósing no prosesu lisensa óinsa atu tama no óinsa atu sai, maibé labelele malkridau hasoru saida mak nia fó mais pior liu ita ne’ega nia favór ka ajudus.
- Saida mak ita halo hasoru Maromak hane’esan umanu ida Maromak sempre perdua o tuir situasaun saida de’it, maibé saida mak ita halo hasoru natureza no lulik sira hotu hane’esan umanu ida mak o mós tenke prontu simu nia kuensekuensia nia prosesu.
Tanba ne’e’e mai ita hotu refleta prezensa COVID-19 iha mundu ne’e’ebé hahu mósu hosi China iha Cidade Wuhan iha tinan 2019 no konsege virus ne’e’e haleu mundu halo nasaun hotu nia ekonomia monu no ema hotu preokupa atu salva an hosi virus ne’e rasik tanba ne’e nasaun barak iha mundu implementa Lockdown maske implementa ona lockdown maibé ema rihun ba rihun mak hosik nia vida iha mundu tan de’it virus ne’e nia prejensa.
Hosi sira ne’e hotu mak governu Timor-Leste rasik fóti medida prevensaun liuhosi lockdown ka estade emerjensia atu ema hotu kuarentena iha uma ho objetivu atu hakotu transmisaun lokál.
Antes ne’e iha 2020 hafóin liu fulan ida ka fulan rua ema hotu preokupa hosi virus ne’e, maka hetam orientasaun hosi nia VIII governu konstituisional haruka ita nia lia nain no avó kuku sira hotu ne’ebé hein uma lisan iha 13 munisípiu hatun sasan lulik hare manu talin no ain, les fahi aten , nahe biti no boro, tidin luhu no mamfatin, loke bua no malus kahur mean no mutin, tebe likurai ho surik lulik, hiasan ho mortel no belak, tais feto no tais mane kosar metan sulin iha loron manas, hasuar no halakan ahi oan lisan sira hotu, fanun no hatutuku rai nain fuik no maus , dere no lisense rin ha’at kakuluk rua ba o natureza Timor hamrik ho heroi libertasaun pátria akompaña ho Maromak ho objetivu ita satan hosi fóho no tasi, mota no rai maran no lalehan, ho lian makaas hodi hakilar corona virus o sei latama Timor, o sei semo lakon let de’it, o sei monu iha dalan klaran, enkuantu mais ami nafatin halibur fórsa entermus de unidade ho lian sira hotu haktenik tuir lia nain 13 munisípiu nia kultura ne’e’ebé mak durante ne’e ita hotu hadomi hahi no hamtauk ba.
Tanba ne’e hau hamósu pergunta rua iha okos antes atu termina reflesaun ne’e :
- se corona virus iha timor-leste maka tebes dunik labuat ida. karik la kahur ho polítika. maibé públiku fiar ka lae prezensa covid iha timor benar-benar laiha interese ruma iha momentu ee ? la presija resposta akompnha tuir realidade no buat hotu hosik realidade mak sei julga.
- se prezensa covid iha timor-leste mak konsege satan ona hosi ita nia kultura no lulik sira hotu depois ikus ita ignora ka manipula óinsa atu hasa’e hikas lulik sira ba tur iha nia fatin iha momentu ne’ebá konsege ita lori tun ona iha púpliku tanba de’it prezensa covid maske ikus ita ignora tiha? la presija resposta maibé nia resposta hanesan sujestaun ba ita hotu.
“Labele halimar no haloko an ho natureza no lulik sira hotu hanesan umanu ida tanba de’it ita nia nia interese ida mak ikus tenke simu kunsekuensia hosi jestu ne’ebé ita halo hanesan umanu ida ka grupu ida,’’
Espera iha hotu bele refleta iha situasaun ida ne’e maibé la sentidu hosi artigo ida atu influensia ita atu la fiar corona iha Timor maibé atu fiar ka la fiar ne’e ita entrega ba realidade mak sei julga tuir nia situasaun no kondisaun “ hau prontu simu ita boot sira nia krítika no sujestaun e muitu obrigadu brani ba ita hotu moris di’ak ba jerasaun tuir mai no saudasoes ba ita hotu obrigadu. “Peace”
“RIO ARAUJO”
