Lafaek News—Ohin Domingu 11/04/202, tuku 14:00 Aviaun Tri-MG Airlines ho marka númeru voo GM307, hatun ona manta hamutuk rihun lima(5000), iha aeroportu Internasional Nicolao Lobato Komoro Dili, atu apoiu vítima inundasaun sira ne’ebé afetadu iha Sidade Dili no Municipio
Tuir komunikadu imprensa imprensa ne’ebé lafaek news.com asesu manta 5000 ne’e too iha Timor-Leste, tanba governu parseiru ho governu Japaun liu husi Japan International Cooperation Agency (JICA) iha Timor-Leste hatun ona hodi apoiu vítima ne’ebé afeta ba inundasaun iha Timor-Leste
“Sasan ne’ebé Governu ho Povu Japaun apoiu Timor-Leste hodi fo asisténsia ba vítima sira, mai husi Japaun ho Aviaun Tri-MG Airlines ho marka númeru voo GM307 no sasan sira mak hanesan, Manta hamutuk rihun lima (5000) hodi responde ba dezastre naturais ne’ebé akontese iha loron 04/04/2021 foin lalais,” liu husi komunikadu imprensa ne’ebé lafaeknews asesu iha aeroportu internasionál Nicolau Lobato, 11/04/2021.
Observasaun jornalista hafoin sasan hirak ne’e to’o iha Aeroportu Internasional Prezidente Nicolau Lobato Komoro, Xefe Reprezentativu JICA Timor-Leste, Goto Ko, akompaña husi Hirashima Shusaku, enkaregadu husi Embaixada Japaun iha Timor-Leste ba Ministra Negosiu Estranjeiru no Kooperasaun, Adaljiza Albertina Xavier Reis Magno, akompaña husi Sekretariu Estadu Protesaun Sivil Joaquim José Gusmão, asistensia humanitaria ne’e sei distribui diretamente ba vítima afetadu kalamidade sira ne’ebé presiza emerjénsia
Núne’e mós JICA komprometidu atu fo apoiu no asisténsia iha proseau rekoperasaun husi kalamidade liu-liu rekoperasaun ba infra-estrutura baziku iha Timor-Leste ho konseitu “Harii Fila-Fali Ho Di’ak Liu (Build Back Better)
Entretantu JICA iha Timor-Leste lori Governu ho povu Japaun nia naran hato’o sira nia sentidu kondelensia no solidariedade ba vítima ne’ebé lakon vida no lakon hela fatin tanba kauza husi Kalamidade ne’ebé akontese iha loron 4 fulan abril tinan 2021.
Jornalista : Orlando Magno
Asisten Editór : Egidio Nono
