Lafaek News–Liuhusi komunikadu imprensa ne’ebé estudante fakuldade Siênsias Sosiais (FCS), Universidade Nasionàl Timor Lorosa’e (UNTL), preokupa ho planu Parlamentu Nasional nian ne’ebé sosa kareta pajero sport ba deputado na’in 30.
Portavoz Adolzindo, liuhusi komunikadu imprensa hatete, polítika ida ne’e estudante hotu iha fakuldade de ciências sociais konsidera la justu no imorál, tanba hare’e ba iha situasaun povu barak iha área remotas la asesu ba infraestrutura hanesan iha setór ekonómia rai-laran ne’ebé lá estável, hanesan dezenvolvimentu lá lao iha setór edukasaun laiha kualidade infraestrutura no setór infraestrutura bee mós la ba povu iha nasaun Timor-Leste.
” Ami estudante hakarak hato’o ami nia Preokupasaun ba públiku sira ligadu ho polítika parlamentu nasionàl oras ne’e dadasufisienteun planeia hela atu sosa kareta ba deputadu Maun 30, maibé hare’e ba realidade ita nia povu barak mak moris hela iha problema infraestrutura nia laran hanesan setór saúde,edukasaun no bee mós iha área remotas,” dehan portavoz Arão vital iha UNTL Kaikoli Dili,tersa (11/10/2022).
Portavoz ne’e akresenta tan, parlamento nasional aprova orsamentu hodi Sosa kareta ba deputadu nain 30 ne’e, estudante sira sei mobiliza estudante hotu no husu mós sosiedade sivil sira ne’ebé fuan ho laran hanesan ho estudante kontra dezisaun parlamento nasional atu sosa kareta ba deputadu sira iha parlamentu nasionàl.
“Ami reafirma no deklara ba públiku katak polítika Sosa kareta ba deputadu sira ami deskorda total, tanba sosa kareta iha situasaun ida hanesan ne’e dezisaun la justu no imorál kontra vontade povu nian. Tanba ne’e ami husu ba entidades hotu Organizasaun no sosiedade sivil sira atu ezije hodi hapara aktu ida ne’e, tanba la refleta ba herói no mártires ba pátria 3.000 mill i tal nia objetivu lialoos ba liberta rai no liberta povu ida ne’e, laos atu liberta prado. Ho nune’e ami deskorda ho aktu deputadu sira nian ne’ebé kada períodu koalia de’it mak pajero ne’e la reprezenta povu atu koalia softementu povu nian, maibé hanesan aktu ida hodi esplora povu nia osan hodi hariku deputadu sira nian no la fo benefisiu ba povu”, tenik portavoz FCS ne’e.
Jornalista : Felipe Soares
Editór : Agapito de Deus
