Lafaek News–Haree ba kampañia ne’ebé besik eskola, ne’e interompe tebes prosesu aprendizajen,la hakmatek atu professores fahe matenek ba estudante sira, múzika lian boot besik eskola estudante sira la hakmatek iha aula laran.
Lia hira ne’e hato’o husi Diretor Eskola Ninu Konis Santana Gleno, Aser Martins Oliveira ba Lafaek news iha nia kna’ar fatin Gleno Ermera, segunda 07/03/2022.
Situasaun ne’e akontese bainhira kandidatu Prezidente periodu 2022-2027 ho númeru sorteiu 8, Tenente Jeneral (reformadu), Lere Anan Timur ne’ebé ohin 07/03/2022 hala’o kampaña iha kampu futebol Glenu Ermera.
Ita hotu hatene bainhira atividade kampañia sempre akumula ema barak, kareta ho motor apita halo barollu iha Estrada ne’ebe besik eskola no mós ema balun halo viva entaun estudante sira la fokus ona ba aprendizajem maibé sira foku liu ba atividade ne’ebe barollu tanba halo sira lakon konsentrasaun atu aprende,” Aser esplika.
Director Aser konta, Ohin dader ate agora liu-liu sira eskola lorokraik nian, tuir aula la ho di’ak tanba situasaun barollu ho lian motor kareta inkluin ema apoiantes sira haklala halo viva.
Ohin loron ne’e ami nia aula la la’o maibé ami hala’o deit auto defeza oinsa estudante sira la bele sai husi portaun atu la bele aproveita buat ida iha kampaña,” nia deklara.
Ho kestaun hirak ne’e Diretor Eskola Nino Konis Santana Ase Sujere ba CNE karik bele orariu ne’ebe kandidatu sira trasa mak kampaña besik eskola se bele iha loron feriadu deit maibé iha tempu aprendizajem di’ak liu haruka kandidatu sira buka fatin seluk ne’ebe dook husi eskola hodi hala’o sira nia kampaña.
Eskola Ensinu 10 De Abril Ermera ho Eskola Nino Koniz Santana, estudante ne’ebe eskola iha parte loro kraik kuaze la aprende buat ida tanba fatin kampaña besik loos ami nia eskola ho ida ne’e ha’u sujere ba CNE atu toma konta ba asuntu ida ne’e,” nia rekomenda.
Aser afirma, ae kampañia ida ne’e mak kada loron hala’o besik areadores eskola entaun durante kampañoa eskola rua nee aula sei la la’o no estudante mós bele partisipa kampñia ho atributu eskola hanesan farda tanba kampañia besik liu area eskola nian.
Jornalista :Orlando Magno
Editor : Agapito de Deus
