Lafaek News–Kandidatu Prezidente Repúblika periodu 2022-2027 ho númeru sorteiu 8 Tenente Jeneral Lere Anan Timur husu ba populasaun Kovalima atu sai nain ba mina-rai iha Suai labele fan rai ba ema seluk.
Kovalima oan sira imi tenke sai nain ba imi nia minarai labene fo ema seluk, ida nee mak hau nia hakarak maibe keta haluha imi nia maluk sira iha iha rai ketan Atauru ho Oe-kuse,” dehan jeneral Lere Ba apoiantes sira liu husi ninia intervensaun iha kampaña neebe realiza iha Munisipiu Kovalima, kinta, 10/03/2022.
Kandidatu Prezidente Jeneral Lere afirma, Kovalima oan husi ferik-katuas no foin sae sira Lere hatete Kovalima nee riku laos hanesan ninia rai Ilomar tanba rai ilomar riku ba ai-laran laos riku ba buat seluk maibe Kovalima riku tanba rai minarai.
Ida fali mak, ha’u rona kovalima oan sira balu faan ona sira nia rai nee imi sala boot tanba ema Rihun ba rihun fakar sira nia ran no inosente barak mate iha igreza entaun sira nia ran turuk tun ba rai ida nee laos ita atu faan fali,” Lere afirma.
Jeneral Lere Esplika, faan rai mos sei la riku tanba osan ne’ebé iha sei gasta hotu entaun jerasaun tuir mai sei halerik ba rai iha nia rain rasik, tanba nee Lere husu Kovalima oan iha rai tetuk la bele faan ba ema atu ema seluk labele nain ba Rai Kovalima.
Observasaun Jornalista Lafaek News ba kandidatu prezidente Jeneral Lere Anan Timur nia kampaña iha Kovalima la’o ho di’ak hanesan ho munisipiu sira seluk neebe liu ona, aban 11/03/2022 Kandidatu Prezidente Jeneral Lere Anan Timur kontinua halo kampaña iha munisipiu Ainaru.
Jornalista :Orlando Magno
Editor : Agapito de Deus
