Lafaek News-(Glenu)-Iha Territoriu Timor Leste, koñese lolos ambiente munisípiu Ermera hafutar malirin iha tempu kalan ho loron, iha kampañia ba dala-10, derepente ambiente nakfilak sai ba manas, tanba ema nakonu hakat de’it pasu ida ba karuk no loos oin, kotuk book an la di’ak.
Ermera riku ho kafé ho postu admnistrativu 7 kompostu husi postu administrativu Hatulia A, Hatulia B, Railako, Glenu, Letefoho ho Atsabe no Ermera maioria moris ho kafé, Horta sukit sira nia antusiasmu ho esforsu ne’ebé kandidatu prezidente repúblika númeru sorteiru 14, premiadu Nobel ba Paz, José Manuel Ramos Horta, lori kafé Ermera too iha lider estadu Vatikanu Amu Papa hodi koñese knuuk kafé iha Timor.
Ermera-oan promete reintegra total votus ba kandidatu númeru sorteiru 14, iha ne’ebé simu konfiansa rasik husi prezidente partidu CNRT, eis komandante em Xefe das FALINTIL, Kay Rala Xanana Gusmão iha fulan kotuk ne’ebé deside liu husi konferénsia, atividade komísiu polítika hahú iha tuku 12:00, maibé kareta tula militantes no apoiantes kandidatu númeru 12 kontinua nadodon okupa areadores tomak sidade Glenu laran.
Koordenador partidu CNRT, Domingos Lemos Lopes,, hateten Ermera oan deside an apoiu José Ramos Horta tanba haree ba situasaun,Timor-Leste, oras ne’e, tama hela iha krize institusional ne’ebé provoka hosi atus Presidente da Republika hodi viola Konstituisaun da Repúblika, hahú hosi 2017. Situasaun ne’e pratikamente paraliza tiha Governasaun, ne’ebé fo impaktu boot ba iha vida moris povu no país nian.
”Ha’u Promete Ermera manan maioria absoluta, aumenta, Bobonaru, Kovalima no munisipiu hotu manan primeira ronde,” katak koordenador partidu CNRT Domingos Lemos Lopes ba lafaek news iha kampañia ba dala-10 iha kampu futebol Gleno munisípiu Ermera, kinta (11/03/2022).
Domingos dehan, Partidu CNRT haree katak dalan úniku atu hakotu krize, maka liu husi eleisaun Presidensial nebé sei hala’o iha 19 de Marsu 2022. Tanba ne’e, maka CNRT, iha Konferênsia Nasional 23 Janeiru 2022, deside hili kandidatu ida nebé iha kapasidade hodi, bain-hira eleitu, bele rezolve ka hakotu tiha krize ne’e, hodi nune’e labele lori tan impaktu negativu nebé boot ba iha Povu no Nasaun Timor-Leste. Nune’e maka Conferensistas sira deside hili, José Manuel Ramos Horta núdar Kandidatu P. CNRT hodi konkorre ka eleisaun presidensial ne’e.
Atu lori susesu ba iha eleisaun presidensial ne’e, presiza hamosu programa kampanna ida nebé responde ba nesesidade povu no Estadu nian, hodi nune’e bele hakotu krize no hadi’a hikas imajem Estadu nian, nebé monu maka’as iha mundu internasional.
Depois de rona aspirasaun hosi konferensistas no militantes sira, no mos depois de analiza situasaun país nian, durante tinan 5 maka, programa kampanha ne’e haré liu ba áreas importantes hat (4). Ida ne’e la-os katak áreas seluk la-os importante, maibé áreas 4 né iha ligasaun liu ba hakotu krize nebé mosu, atu bele hadi’a fali Povu-nia moris, hanesan Repozisaun Ordem Konstitusional no Ordem Estadu de Direitu Demokrátiku, Rekuperasaun Ekonómika (Post-Covid-19),Kompetênsia Konstitusional Presidente da Repúblika, boa Governasaun no Justiça
Programa ne’e nia objetivu prinsipal maka atu korriji aktus inkonstitusionais nebé aktual PR halo iha tinan 5 ikus né nia laran, hodi hatudu katak Presidente da Repúblika hatudu deit nia la halo ninia knar lolós, tuir Konstituisaun RDTL haruka, nia la imparsial, nia la iha bom sensu no la iha hanoin atu defende Estadu ninia interesses. Aktus inkonstitusionais sira né bele loke presedentes ladi’ak ba futuru País nian no mos kria dadauk impaktu negativu iha komunidade internacional ninia avaliasaun ba Timor-Leste, hodi hafoer imajem Rai doben no Estado RDTL nian, Tanba ne’e, ho programa ida ne’e, ita sei buka hakotu krize institusional, hadi’a povu nia moris no hadi’a imajem Timor-Leste nian, iha mundu Internasional, Repozisaun Ordem Konstitusional no Ordem de Estadu de Direitu Demokrátiku.
Jornalista : Abekha Raihusar
Editor : Agapito de Deus
