Mídia ba Interese Públiku, La’ós Interese Polítiku

Husi Francisco J Almeida ( Qeqe)

Mídia nu’udar meiu ka kanál informasaun ne’ebé utiliza hodi tatoli imformasaun ou mensajen nomós nu’udar ai–riin da-haat Estadu nian hodi halo funsaun kontrolu sosiál hodi garante interese públiku no sai ponte entre autoridade estadu no sidadaun sira liuhusi publikasaun notisia no programa sira. Liafuan Mídia mai husi lian Latin ne’ebé forma plural katak “ Medio ( Medium)” signifika maklori entre mensajen sira ho modelu rua, Komunikadór no komunikan, Komunikadór mak ida–ne’ebé hato’o mensajen no komunikan mak ida–ne’ebé simu mensajen. Tuir Association of Education Comunication Tecnology ( AECT) ho definisaun, mídia, nu’udar forma no kanál hotu ne’ebé utiliza ba tatoli mensajen. Nune’e mós ho niniaa funsaun importante tolu seluk (3) mak, Imforma , eduka no Diverte ka fó haksolok.

Liga ba kampaña politika Prezidensiál ne’ebé la’o daudauk tiha ona, mídia iha papél importante ida mak atu hasa’e koñesimentu povu baibain nian no hato’o povu nia prekupasaun ba politíku sira hodi sai nu’udar matéria kampaña polítika. Tanbá mídia mak forsa públiku nian, atu hato’o problema sosiál, injustisa, edukasaun, saúde, bee–moos, no atividade sosiál ne’ebé estadu seidauk hakonu direitu ida–ne’e. Momentu sira hanesan dadauk ne’e, públiku presiza tebes atu hetan resposta lalais husi politíku ka ukun–na’in sira.

Iha era digitalizasaun ne’e, fasil ba podér politíku no ekonómika sira atu influénsia mídia, hanesan konvensional no Mainstreaming. Influensia ida–ne’e bele haree husi aspetu negosiu (publisidade ka iklan politiku) husi kandidatu ka partidu ka sira fó no bainhira mídia ne’e fraku iha ninia indepéndensia editoriál no afavor ba orientasaun ba podér polítiku. Independensia editorial ne’e sei labele garante ba imformasaun ne’ebé balansu tuir prinsípu jornalizmu cover both sides ka fair and balanced reporting, no mídia ne’e mós ninia foku kobertura sei haree–liu ba propaganda polítika ne’ebé fó benefisiiu polítika ba kandidatu ka partidu polítiku balu liuhusu publikasaun sira ne’ebé promove parte balu deit.

Ho hanoin katak, mídia mak iha forsa bo’ot atu influénsia liuhusi funsaun tolu importante, Watchdog role (papél asu-mahein) tau matan ba politiku sira, papél Voice of the voiceless role ka lian ba lian laek sira no mós Imformation and debate role fó-sai matéria iha ninia programa forum públiku ka forum debate públiku (Curan, 2002).Bainhira se mídia la ezerse nia papél ho di’ak no la fó espasu ba povu kiik sira, entau bele dehan mídia seidauk hala’o nia funsaun nu’udar “the voice of the voiceless” tanba mídia nia funsaun mak atu tatoli ka hakonu direitu públiku nian kona-bá problema sosiál sira mak akontese. Se ita ko’alia kona-bá papél no funsaun mídia la sees husi ema “ People” la’ós bainbain maibé profesionál ne’ebé bele serbisu iha mídia konvensionál ka mainstreaming ida, no tenke intende elementu notisia 5W, 1H hodi bele prodús notisia ka halo reportagen ida.

Husi Situasaun ne’e, tuir prespektiva Russert iha Kovach (2001) kona-bá Jurnalizmu no polítiku, iha objetivu prinsipál rua “To hold powerful interest accountable to the public interest” husi prespektiva ne’e, tuir hakerek na’in, hametin interese “grupu oligarki” ka elite politik sira nia modelu “Power” atu nafatin iha reponsabilidade ba podér, ka “penguasa” ne’ebé iha interese no responde ba ezijensia

polítíka públíku liu husi serbisu jornalizmu. “ To explain to voters how to connect, how they vote, with what their government should do”. Narrativa da–ne’e atu dehan, oinsa mak produtu jornalistiku ida iha influénsia ho modelu kobertura jornalista nian ne’ebé ajuda votante hodi vota ba kandidatu ka partidu polítiku ne’ebé tuir sira merese atu ukun hodi hakunu direitu báziku moris sidadaun nian.

Referénsia barak hatudu atu mídia labele hetan influénsia husi podér polítiku no ekonómika tanba–ne’e mak mídia prezisa iha redasaun ida-ne’ebé forte no hakru’uk ba kódigu étika, prinsípiu jornalizmu mak iha ona.

Husi prespektiva mak iha liga ho kontestu real, katak buat ne’ebé importante loos, atu serbisu jornalizmu sira halo mak, independénsia editoriál. Ida–ne’ebé tenke hahú husi indivíduu jornalista, molok produtu jornalístiku ne’e to’o iha redasaun. Serbisu jurnalizmu tenke uza “asio” no ninia kultura kobertura tenke leal ba públiku ka lia–los tenke ne’e aas–liu, duke kultura politíka. Atu dehan katak, públiku ka povu kiik nia prekupasaun tenke sai “Head lines” beibeik tanba, se jornalista ninia leadade afavor-liu ba politiku sira, oinsa mak bele hato’o espresaun sira mak povu ki’ik iha.

Situasaun iha kampaña politíku sira mak liu ona hatudu, jornalista balun dala barak ne’e foti angulu ida-ne’ebé afavor deit ba politíku sira ne’ebé bele dehan “ Fighter of leader ”. Iha ne’ebé polítiku sira hatuun malu, konta Istória luta, se mak Eroi, se mak Traidór. Tuir loloos, ida–ne’e la’ós ona karater mídia ativu ka “The Voice Of The Voiceless” tanba iha rai seluk hanesan Tailandia, Filipina, sira la dun fiar ona mídia mainstreaming sira tanbá sira dalabarak hetan influénsia polítiku no ekonómika. Poítiku sira dala balu selu kotu ona mídia no jornalista sira, entau sira uja komunidade bainbain mak halo reportajen, iha plataforma mídia sosiál bolu dehan, “ Citizen Jornalism”.

Loloos ne’e, media tenki “The Monitor of Power” atu kobre prekupasaun hotu–hotu, ne’ebé povu kiik iha, ida ne’e nu’udar dalan, atu ajuda politíku sira ba propaganda politika publikas, iha palku politiku, ka bele mós sai hanesan materia kampaña.

Realistiku oituan tanba “The Monitor Of Power” ne’e politíku fali, mais saida mak ita hatene serbisu mídia mak loloos “watch dog” “ halo pemantauan ka kontrolu” ba politíku sira nia karater influénsia públiku ho professional la’ós politíku mak kontrola fali serbisu mídia hodi bosok povu atu manan podér ne’ebé sira planu ona antes ( Agenda Setting)

Públiku iha direitu atu asesu imformasaun no mídia sai ponte ba sira “The Voice of the Voiceles” liberdade ne’ebé povu iha, mídia iha papél tomak atu hakonu liberdade ne’e, se lae bele dehan serbisu jornalizmu nu’udar “Pengikut politík” hodi fó espasu boot –iu ba politíku ba espresaun manan poder maibé, espasu ba povu kiik hodi sai husi kiak no mukit uituan deit.

Ironiku, se kampaña politiku palku ne’e, mídia nu’udar “ alvu” ba poder poliííku para depois bele influénsia públiku ba sira nia interese hodi manan poder, espera opiniaun sira ne’ebé iha mak, la sai realidade iha publiku, no mós fiar katak mídia no jornalista sei maduru ho kodigu etika no prinsipiu jornalizmu ne’ebé nu’udar matadalan ba sira atu la’o tuir.