Lafaek News –Presidente Tribunál Rekursu (PTR), Deolindo dos Santos, afirma nia parte hadia servisu di’ak lliután iha periodu tinan ne’e liu husi OJE 2021.
“Ba orsamentu 2021 nian maka iha, ami planu hela, sei halo ezekusaun ne’ebé maka di’ak tanba, ezekusaun tribunal nia tenke kumpri regras ne’ebé maka iha, nepara bainhira tribunal halo kontrolu ezekusaun ba instituisaun seluk, entaun tribunal nian tenke kumpri regra ne’ebé estabelese kona-ba prosesu aprovizionamentu ho osan ne’e maka tau, no tenke iha ekipa di’ak atu hare’e, ezekusaun orsamentu tribunal nian ho di’ak,” dehan PTR Deolindo dos Santos, ba jornaliata hafoin hasoru malu ho PM, segunda, 10/01.
Prezidente TR, objetivu sorumutu ho xefe governu atu aprezenta servisu sira ne’ebé tribunal halo ona iha 2020 nune’e kontinua servisu ba iha tinan 2021 nian.
“Ita hare’e ba tinan 2021 nian para atu bele servisu diak liu tan, no mós hare’e ba programa ho orsamentu tribunal nian ne’ebé iha, entaun servisu tinan ida liu tiha ba ne’e ami hato’o, katak ami esforsu masimu para servisu bele diak liu, entantu pasa husi tinan 2020 ba 2021 ne’e halo servisu diak liu tan iha tinan hirak ne’ebé liu ona,” hateten nia.
Tuir nia katak, nivel finanlizasaun prosesu iha tribunal sira no mós nivel jestaun administrasaun nian, ne’ebé nia prosesu iha indikasaun bazeia ba estatístika, loron ba loron tuun ba bei-beik, maske iha difikuldade ba orsamentu.
“Ba jestaun nian iha 2020, mesmu ke iha difikukdade orsamnetu ho dotasaun temporariu deit, maibe tribunal mós konsege halo buat balun ho orsamentu kikoan ne’ebé maka iha la’o ho diak, husi orsamentu 2019 pasa ba 2020 nian maka ezekusaun ba tribunal munisipiu dili nian ne’ebé agora la’o hela no resultadu hatudu katak la’o diak, espera ba oin bele fo mós solusaun ba tribunal dili nian ne’ebé la iha ona espasu,” nia hakotu.
Jornalista : Pedro de Almeida
Editora : Nelya Barros
