Lautém-(Lafaek News)— Administradór Sesante Munisípiu Lautém, Zeferino dos Santos Sequeira, husu deskulpa ba povu Lautém tanba durante nia mandatu tinan 11 iha Lautém Dezenvolvimentu la la’o.
Zeferino hato’o kestaun ne’e segunda (11/1/21), bainhira partisipa iha serimonia tomada de pose ba administradór foun Domingos Savio iha salun admnistrasaun munisípiu Lautém.
“Ha’u hakruk no husu deskulpa ba povu Lautém laiha buat barak ne’ebé ha’u halo iha munisípiu ne’e karik ne’e mak ha’u nia frakeja, ha’u labele halo servisu barak Tanba servisu dezentralizasaun podér lokal ho nia komplesidade ne’ebé too agora ita sei infrenta servisu kiik ne’ebé ha’u halo hamutuk ho povu munisípiu Lautém ha’u tau ona iha livru ida ne’e hodi entrega ba administradór foun ne’ebé ohin simu pose,”Administradór sesante Zeferino ba lafaek News iha Lauté, segunda (11/01/21).
Eis administradór ne’e hahú assume kna’ar prezidente autoridade munisípiu Lautém iha 2010-2020, nia rekoñese servisu kiik balun la konsege halo maibé servisu boot sira labele halo tanba dezentralizasaun ne’e seidauk iha serteja.
“Ezekusaun de servisu hahu husi 2017-2020 ninian karik iha livru ne’ebé ha’u entrega ba administradór foun hanesan mós referensia atu kontinua servisu, ha’u entrega mós karinbu, kareta no ptarimonia sira ne’ebé governu nian ba administradór foun atu hala’o servisu,” espresa eis administradór ne’e.
Iha serimonia tomada de pose ne’e partisipa direta husu líder komunitariu, major jerál Leren Anan Timur, Ministru Administrasaun Estatal ho nia vise, komnadu PNTL Munisípiu Lautém inklui funsionariu públiku sira iha Munisípiu Lautém.
Jornalista : Elidio Castro
Editora : Nelya Barros
