Lafaek News—Kazu Pozitivu Covid-19 Foun 149, entre númeru ne’e 132 iha Díli, Ainaru 1, Bobonaru 7, Kovalima 2 no Vikeke 7, númeru Kazu Rekuperadu 177, atual baixa 2602.
“Kazu detetatu foun ne’ebé relata ohin dia 2 de Juñu de 2021: 149 (iha Dili 132, iha munisipiu seluk 17), husi kazu detetadu foun ohin: mane 81, feto 68,” esplika koordenadór Forsa Tarefas ba Prevensaun no Mitigasaun Surtu Covid-19, Rui Maria de Araújo liu husi komunikadu imprensa ba lafaek news, Kuarta (2/06/2021)
Rui informa, husi total kazu detetadu foun hirak ne’e ho idade 12: 2, ho idade entre 12-59 nain 147 (98,6%), ho idade 60:0, no husi total kazu detetadu foun ohin, proporsaun kazu sintomátik hamutuk 2,6%.
Nune’e, Kazu rekuperadu ne’ebé ralata ohin, dia 2 de Juñu 2021: 177, kazu ativu ohin, dia 2 de Juñu 2021: 2602, no total kazu konfirmadu kumulativu iha 2 de Juñu 2021 (sura husi 21 Marsu 2020): 7310.
Rui relata, husi horiseik mai ohin, dia 2 de Juñu, hamutuk hotu Laboratóriu Nasionál Saúde halo 1068 testes PCR iha Dili, ho detallus hanesan tuir mai; Vijilánsia sentinela:30, Rastreiu ba kontaktu (Contact tracing):61, Rastreiu Aleatóriu (Random Screening): 408, Viajen sai husi serka sanitaria Munisipiu Dili: 559, Viajen internasionál: 3, Follow up iha quarentena: 7.
Nia hatutan, Total testes PCR ne’ebé halo horiseik dia 1 de Juñu iha Munisipiu sira seluk, REAOA no HNGV, hamutuk 629, ho detallus hanesan tuir mai; Baucau: 72, Ermera: 70, Maliana: 57, Maubisse: 174, RAEOA: 2, Suai: 40, Vikeke: 27, HNGV: 187.
“Iha dia 2 de Juñu de 2021, izolamentu Vera Cruz halo tratamentu ba kazu detetadu nain 33, Iha área obstetrisia nain 15, no iha medisina interna nain 18, sira nain 15 iha obstetrisia, kategoria leve (mild) hotu, no husi sira nain 18 iha medisina interna, nain 2 grave (1 uza ventilador, 1 uza CPAP), nain 9 moderadu, nain 7 leve (mild),” tenik nia
Kordenadór ne’e mós informa ba públiku tomak katak hahú ohin dia 2 de Juñu de 2021, ema ne’ebé rekuperadu ona husi moras Covid-19 no liu ona husi izolamentu terapéutiku domisiliar (iha uma-rasik) ka iha fatin ne’ebé Estadu prepara.
Bainhira atu desloka sai husi tama ba serka sanitária, a presiza halo swab, maibé nafatin presiza hetan autorizasaun esepsionál husi Diretor SIJK atu bele prosesa autorizasaun esepsionál tenki hatudu Sertifikadu alta husi Izolamentu, ne’ebé Ministériu Saúde, liu husi ninia Pilar 7, fo’o ba ema rekuperadu.
Jornalista : Sandi Belo
Editór : Agapito de Deus
