Lafaek News—Administradór munisípiu Lautém, Domingos Savio, lamenta ho rergras husi Sentru Integradu Jestaun Krize (SJIK) nasionál nian, iha ne’ebé laiha espliksaun klaru, tanba ema sira ne’ebé kompleta ona swab iha Dili negativu, maibé mai Lospalos swab hetan pozitivu covid-19, ikus tama izolamentu.
Tanba ne’e regras monu ba ema sira mai Lautém redus ba loron 3 teste swab bele tama mai Lautém, loron 3 seidauk garantia ba ema ida livre husi covid-19, Lautém iha evidénsia barak ema sira mai dehan livre, fulan ne’e pozitivu no agora iha izolamentu no sira ne’ebé viajen to semana ida mós teste pozitivu iha izolamentu.
“Ha’u husu ba sidadaun hotu atu komprende situasaun iha Lautém, ita hotu hatene moras covid ne’e iha, no perigu ba ema nia vida, tan ne’e Lautém aplika regras maka mai husi Dili tenke hatudu rejultadu teste swab negativu no la liu loron3 bele tama mai Lautém, Hateten administrador Munisípiu Lautém Domingos Savio iha konferénsia imprensa, iha Lautém foin lalais.
Prezidente ekipa taskforce munisípiu Lautém afirma virus ne’e inimigu ida mai husi nakukun laran, tan ne’e ekipa taskforce Lautém establese estratéziku no tátiku rigorozu hodi kombate moras ne’e iha Lautém,
“Tan ne’e Lautém aplika regras maka mai husi Dili tenke hatudu rejultadu teste swab negativu no la liu loron3 bele tama mai Lautém,” hateten administradór munisípiu Lautém ne’e.
Ekipa taskforce Munisípiu Lautém análiza, kona-ba regras sira ne’ebé husi nasionál laiha esplikasaun ida ema ne’ebé sai husi izolmentu, katak la da’et ona moras ba ema seluk, no mós la simu ona moras covid-19, laiha esplikasaun ida klean, ida seluk ema sira ne’ebé mak sai husi karantina, katak loron 7 nia laran ne’e nia la had’et moras ne’e ba ema seluk, nia mós labele simu moras husi ema seluk, ho análiza ida ne’e, ekipa taskforce halo konkluzaun katak moras ne’e sei bele hada’et ba ema seluk.
Entretantu, administradór Munisípiu Lautém ne’e esplika mós abitante sira ne’ebé’ toba iha estrada iha Laivai sábadu semana kotuk, katak fatin ekipa prepara, maibé ema sira ne’e mak lakohi ba toba no hein iha laran hodi nune’e dader ekipa ba transporta mai tama iha kuarente no hili rasik sira nia desizaun hodi toba fali estrada foto hodi halo viral iha media sosiál.
Iha fatin hanesan, doutór Mericio Castelio, hanesan mós Kordenadór pilar-7, reforsa munisipiu Lautém hahú deteta kazu iha 21 Marsu 2021, deteta ona kazu alta izolamentu ne’ebé fo livre ona sira husi Dili mai Munisípiu Lautém iha ema nain 3, kompostu husi feto 1 mane 2, alta izolmentu husi Dili ne’ebé tuir orientasaun katak sei livre durante fulan 6, infelizmente regra ne’ebé husi munisípiu Lautém ema hotu tama tenke iha rezultadu atualizadu másimu loron 3.
“Ami deside ita nia pesoál nain 3 ba kuarentena hamutuk ho sira nia familia 8, ikus mai sira nain 3 deteta pozitivu iha Munisípiu Lautém, tuir mós testamuñia balu ne’ebé munisípiu Lautém iha maka balu mai la’o hamutuk ema sira sai ona husi izolamentu Dili pozitivu fila-fali, iha abitante nain 20 ne’ebé mai iha Lautém sira nia teste swab la atualizadu ka liu ona loron 3 ami deside hatama ba karantina no rezultadu teste pozitivu fila fali,” haktuir doutór ne’e.
Jornalista : CE Lautém
Editór : Agapito de Deus
