Lafaek News—Proposta orsamentu hosi Ministériu Administrasaun Estatal (MAE), tinan fiskál 2021 pasa iha debate faze espesialidade ho montante tokon $ 52,809,097. 00
Orsamentu refere hetan aprovasaun hafoin reprezentante povu iha uma fukun PN liuhosi votasaun ho votus Afavór 43 Kontra 0 no Abstensaun 0.
“Rezultadu votasaun ba orsamentu tinan fiskál 2021 hosi Ministériu Estatál pasa,” PPN Aniceto Guterres, anúnsia iha sala plenária, kuarta (09/12).
Montante orsamentu ba MAE propoin Millaun $ 52,809,097. 00 ba tinan fiskál 2021, inkluí Millaun $31,416,640.00 ba iha implementasaun kona-ba medida rekuperasaun ekonómika.
Enkuantu hosi montante orsamentu ba MAE tinan fiskál 2021, koloka ba saláriu no vensimentu millaun $3,669,695.00, bens no servisu $10,874,051.00, kapitál minór $4,764,757.00, Kapitál dezenvolvimentu $ 330,000,00, transferénsia públika $33,170,594.00.
Enkuatu orsamentu koloka ba kada programa sira hanesan implementasaun polítika jéneru sei gasta rihun $50,040, gasta ba boa governasaun ho jestaun Institusionál gasta millaun $8,424,777, kona-ba organizasaun urbana rihun $90,000, no kona-ba desentralizasaun administrativa Millaun $3,054,470.
Nune’e mós ba programa kona- ba prezervasaun no konservasaun dokumentu ho valór rihun $354,521, kona-ba administração eleitorál millaun $ 3,113,036, no ikus kona-ba dezenvolvimentu suku no retornu ekonómiku báziku millaun $37,722,253
Jornalista: Egidio da C. T. Nono
Editór : Ezequias Tomás
