Lafaek News—Emabaixadór Uniaun Europeia Iha Timor-Leste, sorumutuk ho Ministeriu Solidariededade Sosiál no Inkluzaun (MSSI) hodi diskute kooperasaun no propoin pontus importante rua atu iha futuru liga liu ba estratejia rekuperasaun ekonómiku.
Emabaixadór Uniaun Europeia Iha Timor-Leste, Andrew Jacobs, hato’o asuntu ne’e hafoin hasoru malu ho Vise Primeiru Ministru no Ministra Solidariedade Sosiál no Inkluzaun, Armanda Berta dos Santos, iha salaun MSSI Kaikoli Dili.
“Ha’u ko’alia kona-ba programa kooperasaun iha futuru entre Timor-Leste no Uniaun Europeia, ne’e sei kobre periodu 2021 to’o 2027,” dehan Embaixador UE, Andrew Jacobs, ba jornalista sira hanfoin hasoru malu ho Vise PM no MSSI, Armanda Berta dos Santos, iha MSSI kinta, (25/02/21).
Emabixadór ne’e dehan, nia parte halo ona diskusaun ho Ministrus sira kona-ba programa iha future hamutuk ho sosiedade sivil setór privad no parseiru dezenvolvimentu sira seluk kona-ba estratejia rekuperasaun ekonomia iha future.
“Primeiru, rekuperasaun no dezenvolvimentu ekonomia ne’ebé matak no sustentavel. Ida ne’e sei inklui ho diversifikasaun ekonómika，dezenvolvimentu setór privadu dijitalizasaun no formasaun téknika no profisiona inklui mos integrasaun no komérsiu rejionál, apoiu atu prepara Adezaun ba ASEAN, ami mos planeia atu apoia enerjia renovavel. Segundu Boa governasaun. Ida ne’e inklui hametin setór públiku liu- liu jestaun finansas publikas inklui inkluzaun sosiál no nutrisaun,”nia esplika.
Programa iha futuru bazeia ba Timor-Leste nia planu dezenvolvimentu liu-liu ba estratejia Rekuperasaun Ekonomika, nune’e mos Uniaun Europeia sei implementa programa kooperasaun ho Timor-Leste hamutuk ho Portugal no Banku Investimentu Europeu, liu husi adezaun ba forsa sira bele haboot liután poténsia apoiu husi Uniaun Europeia ba Timor Leste.
Jornalista : Pedro de Almeida
Editora : Nelya Barros
