Lafaek News—Ministériu Ensinu Superior Siènsia no Kultura (MESSK), Kinta-feira 25/02/2021, ho Fundu Dezenvolvimentu Capitál Humanu ( FDCH), asina Diploma Ministériál kona-ba regulamentu ba prosedimentu adminitrativamente bolsa hakbi’it ba estudante sira atu hala’o estudu iha ensinu superior públiku no privada.
Ministru Ensinu Superior Siénsia no Kultura (MESSK), Longuinhos dos Santos hatete, objetivu asina diploma ministérial, atu regula prosedimentu adiministrativa kona-ba Bolsa hakbi’it ne’ebè atu bele hala’o estudu iha Ensinu Superior públiku no privadu sira no hetan finansiamentu husi Fundu Dezenvolvimnetu iha Timor Leste.
“Diploma Ministérial ida-ne’e ohin ha’u aprova tiha ona hahù ohin ba oin prosesu la’o da-daun ona no nia finalidade iha fulan Marsu nune’e atu bele kumpri regras ka kalendaríu akademíka ne’ebè mak fò husi instituisaun Ensinu superior privadu sira,” Informa, Longuinhos do Santos, ba Jornalista sira hafoin aprova Diploma Ministeriál ba Rejime hakbiit, iha Salaun, MESSK, Dili, 25/02/2021,
Ensinu Superior ne’ebè atu asesu haree liu ba siènsia ka kursu ne’ebè propoin ona tuir regulamentu em vigór, ezemplu hanesan kursu juridíku hanesan, siénsia edukasaun, siènsia medika, Enjenária ho siènsia sosiais, área hirak ne’e pertinente iha univerisdade privadu atu benefisiáriu sira bele Koloka tuir.
Iha fatin hanesan Diretora Ezekutiva FDCH, Lelia Càrceres dos Santos, hatete, orsamentu prevee hamutuk millaun ida resin (1.5 milõens), atu bele atribui ba iha progrma bolsu estudu ba iha bolsa hakbi’it nian.
“Ho asina diploma ida-ne’e entaun o espasu ba ekipa oinsà atu bele hahù dadauk ona implementasaun, faze sira antes ne’e ekipa mai husi FDCH-MESSK entaun iha ona faze komunikasaun oinsà haree atu implementa,” Nia Subliña.
Diploma ministeriál hatuur ona katak bolseru ida sei hetan dolar atus ida Ruanulu ($.120), kada fulan sei transfere ba iha Univerisdade, Kobre ba kustu hotu-hotu hanesan alojamentu, transporte, alimentasaun.
“Ida-ne’e mak sei atibui ba bolseiru ne’ebè atu eskola iha Ensinu Superior privadu sira hamutuk sanulu resin haat (14), ne’ebè mak hetan ona akreditasaun husi ANAA,” dehani diretora FDCH ne’e.
Jornalista : João da Costa Soares
Asisténsia Editòr : Egidio Nono
