OPINIAUN · 29 Jan 2024 11:45 ·

 Produsaun Vida  Sosial No Sosiedade Ho Natureza


 Produsaun  Vida  Sosial No Sosiedade Ho Natureza Perbesar

 HAKEREK  NA’IN  ESTUDANTE  REFERE  HUSI  UNIVERSIDADE  CRISTAL   (ISC)  INSTITUTO  SUPERIOR  CRISTAL  FAKULDADE  EDUKASAUN, DEPARTAMENTU SOSIALOGIA.  PERSPEKTIVA  AKADEMIKA  FOIN SA’E  VINCENCIO   ELU         
INTRODUSAUN 

Artigu  ninia  objetivu  katak  atu  hafanu  ita  iha  materializmu,   ita  bele  komprende  ezistensia  ema  sosiedade  liu-husi  lei  dezenvolvimentu  produsaun  material.  Tanba  lahó  produsaun material  ba  hakonu  ema-nia  nesesidade,  sosiedade  la  eziste.  Iha  ne’ebé  Marx  ho  Engels deskobre  katak;  ema  nia  involvimentu  iha  relasaun  produsaun  material  nu’udar  baze  ba relasaun  sosial  hotu-hotu.

Tuir  prosesu  produsaun  ema  la’ós  apenas  produs  material  ba  hakonu  nia  nesesidade,  maibé ema  produs  no  reprodus  nia  relasaun  sosial.  Iha  obra  the origin of the family  private property and state Friederich Engels hateten, “Buat rua ne’e iha karakter ganda.  Iha parte ida refere ba produsaun no reprodusaun material  ( hahan ) hodi hakonu ema-nia nesesidade subsistensia; Iha parte seluk refere ba produsaun no reprodusaun umanu  (ema).

Oinsa  mak  ema  eziste,  ema  hala’o  relasaun  ho  natureza  no  entre  ema,  atividade  produsaun  akontese  hodi  konstrui  sosiedade  no  relasaun  social  iha  sosiedade  bele  produs no  reprodus  nia-an?  Ita  presiza  komprende  liu-husi  pontu  sira  tuir  mai!

𝐒𝐨𝐬𝐢𝐞𝐝𝐚𝐝𝐞 𝐡𝐨 𝐍𝐚𝐭𝐮𝐫𝐞𝐳𝐚

Antes  atu  deskobre  ezistensia  evolusaun  no  dezenvolvimentu  sosiedade,  ita  presiza  hare’e hosi  aspeitu  produsaun  no  relasaun  sosial  kada  etapa  dezenvolvimentu sosiedade. Produsaun  material  nu’udar  save  ida  komplementar  hodi esplika  diak  liu  estrutura  internal  sosiedade  tantu  relasaun  ambiente  esternal  natureza  ne’ebe  haleu.

Iha Produsaun  bazikamente  nu’udar  prosesu  interasaun  entre sosiedade  ho  natureza.  Iha  prosesu  interasaun , ema  hetan  fontes  ba  hakonu   ho nesesidade  moris  hosi  natureza  nian .  Tanba iha  imposibel  ba  ema  atu  moris  no  kontinua  ninia moris  hodi  forma  sosiedade  lahó  servisu  produsaun.  Ita mensiona   uza  lian  Engels  dehan;  “so servisu maka  kria umanu.”

Evolusaun  atividade  servisu  sira , dahuluk,  ita  nia  beiala  sira utiliza  liman  ba  kaer  instrument  simples  hodi  asegura  sira nia  an  hosi  animal  siak  sira,  kaer  animal,  halibur  hahan  ai-fuan,  fore  no  modo  tahan  sira.  Maibe  atividade  ne’e nu’udar  forma  intuitivu  dahuluk  husi  animal  sira.

Tanba  Liu  husi  atividade  servisu  kontribui  makas  tebes  ba aspeitu  importante  rua:  dahuluk,  halo  ema  (beiala)  sira  la’os  apenas  adapta  an  ba  ambiente  ne’ebe  atu  haleu  sira maibe  halo  atividade  sira  servisu.  Liu  husi  servisu  halo  sira la’o  los  (erekta)   atu hafahe  funsaun  iha  orgaun  isin  lolon, entre  kakutak,  liman,  ain  sira.

Tanba  servisu  nu’udar  movimentu  einjeral  nian,  nune’e  liu-husi  servisu  no  servisu  hamutuk,  hamosu  artikulasaun liafuan, koalia, no seluk tan nu’udar transmisaun hosi atividade servisu no esperensia sosial.

Iha  faze  importante  rua  ba  iha  formasuan  umanu,  Dahuluk, sira  atu  utiliza  instrumentu  traballu  regularmente,  no  daruak, kria instrumentu  traballu.  Iha prosesu formasaun umanu ita hare’e iha  (Australopithecus  africanus,  homo  habilis  no  homo  erectus).  Dala ruma  ita duvida, oinsa ema iha kuñesimentu hodi kria instrumentu traballu, hala’o servisu no produsaun?  Hatan  ba  ida  ne’e  Marx  ho Engels  afirma  katak, relasaun entre ema ho natureza no ema ho ema, liu-husi atividade pratika servisu simples ho esperiensia sosial iha evolusaun umana forma ema nia kuñesimentu.  Nune’e, halo ita komprende  katak hosi pratika mak forma ema nia kuñesimentu  no esperiensia  sosial, imposibel ba beiala sira, iha kuñesimentu, la hó baze atividade servisu  pratiku.

Konkluzaun

Bainhira  kresimentu  populasaun  barak  espanda  iha  area teritoriu hotu konserteza influensia sosiedade. Ezemplu bainhira ita planu atu dezenvolve produsaun iha rai-laran ita presiza hare’e uluk rekursu naturais ho populasaun.

Iha analiza barak to’o ba aprezenta teze katak, total populasaun ohin-loron ne’ebe forma sosiedade ne’e depende ba nivel dezenvolvimentu produsaun. Tanba rasio populasaun iha sosiedade atu aumenta ka redus depende ba oinsa sosiedade ne’e hakonu nia nesesidade, no nesesidade sosiedade nian atu hakonu depende ba nivel dezenvolvimentu produsaun.

Devezenkuandu iha afirmasaun balun argumenta katak, umenta kresimentu populasaun la afeita ba mudansa iha modu produsaun no vida umana; ida-ne’e sala! Tanba kresimentu populasaun nu’udar rezultadu hosi mudansa modu produsaun.

 “Dough     Lorimer“

263 Views
Artikel ini telah dibaca 100 kali

Baca Lainnya

Akórdaun Tribunal Rekursu VS Lei Indulto no Komutasaun Pena + Dekretu Prezidente Repúblika

3 April 2024 - 16:43

TEMPU  QUARESMA  OPORTUNIDADE  GOVERNANTE   PRÁTIKA  FRATERNIDADE   UMANU                                              

16 February 2024 - 14:28

PARLAMENTO NASIONAL MUZEUM BA PROBLEMA NO KONFLITUS

17 January 2024 - 15:05

FILOSOFIA : MATAK  EMA  IDA-IDAK Nian, MAS TASAK  ITA  HOTU  NIAN

15 December 2023 - 10:45

Arte Marsiais Desportu Ida Lapresiza Taka Investiga Membru GAMAR Halo Krime

14 November 2023 - 15:48

Moisés Vicente

“TALI ROHAN NE’EBÉ MUDA HUSI KARUK BA LOS HODI SERTIFIKA APELIDO FOUN BA EMA IDA”

27 October 2023 - 21:17

Trending di OPINIAUN