Lafaek News—Paulo do Santos joven ho idade 19 nu’udar prizineiru iha prizaun Bekora durante tinan rua sulan la saugate, aprende pinta liu husi rai-henek iha prizaun-laran ikus sai ema pintor di’ak.
Ha’u aprende pinta uza rai-henek ne’e iha prizaun laran durante tinan rua iha fatin ne’e, buat barak ne’ebe ami prizioneiru sira ne’e aprende iha fatin ne’e, maibé ha’u prefere atu pinta, tanba ha’u rasik mos gosta ona pinta tan ne’e hau aprende barak liu oinsa atu pint aka dezenha ema nia oin” Dehan Paul, ba Lafaek News iha Prizaun Becora. 25/10/2021
Tuir nia, fatin prizaun la’os atu sulan de’it ema, maibé forma mos ema oinsá atu bele kapasita ema ida-idak nia talentu iha area ne’ebé iha vontade hakarak aprende.
Ami iha ne’e la’os sulan de’it ami, maibé mos ami aprende buat lubuk ida iha fatin ne’e atu nunee too loron ida ami sai husi ne’e ami bele kontinua skill neebe ami aprende ona iha fatin nee,” haktuir Paulo.
Entretantu tuir Diretor Estabelesimentu Prizaun Bekora, João Domingos, reforsa prizaun la’os sulan de’it ema prizoneirus sira, maibé mos loke formasaun ba prizioneiru sira atu bele hasa’e sira nia kapasidade no skill hodi bele halo buat ruma bainhira sira sei iha prizaun laran.
Ita nia prizioneiru sira nee durante ita forma sira balun iha alfaiate balun iha area pintor nian buat barak nebee sira aprende iha nee atu nunee toi tempu sira sai husi fatin nee bele halo buat ruma atu bele sustenta ba an,” Tenik nian.
Jornalista : Anselmo Monteiro
Editór : Agapito de Deus
