Lafaek News–Sentru Lojístika Nasionál liu husi Diretor Aprovizionamentu Armajenamentu Stok Agen (AASA), Julio Soares, afirma prosesu pagamentu ba produtu lokal husi suku Zumalai nian kompetensia iha Ministeriu Finansas mak selu agrikultor sira nia osan.
Julio afirma, molok atu foti produtu hare kulit ne’e, CLN esplika ba komunidade sira katak, prosesu pagamentu bele la’o lais bele mos la’o tarde, tanba orsamentu tama iha pakote Covid-19 liu husi orsamentu ratifikativu.
Orsamentu ratifikativu ninia paradeiru temi de’it mak mai iha CLN, maibé realidade konsentradu iha Ministériu Finansas entaun pagamentu final la’os husi CLN, tanba ami halo prosesu hotu ona ba ministeriu finansas maibe ministeriu Finansas mak seidauk halo pagamentu ba grupu agrikultor sira,” dehan Diretor AASA Julio ba Lafaek News iha nia knaar fatin Bebora Dili, 25/10/2021.
Diretor Aprovasionamentu ne’e argumenta, Osan atu selu produtu lokal nian la tama iha CLN nia konta bankaria, maibe konsentradu hotu iha ministeriu finansas.
Husi parte ministeriu Finansas, sira nia kordenasaun ho ami ladun diak ami mak sai fali tarjetu inimigu ho grupu agrikultor sira tanba ami mak hasoru direita ho komunidade sira, entaun Foin lalais Ha’u husu ona ba iha ministeriu finansas katak dadaun ne’e sira sei halo hela berifikasaun dokumentu la hatene prosesu pagamentu to ona iha ne’ebe?,” nia deklara.
Julio dehan, Husi sira nia parte liu liu iha diresaun armajenamentu nia servisu mak rekolla ba iha armajen depois prepara hotu ninia dokumentu manda ba iha ministeriu Finansas.
Ha’u mak sempre tun direita ba iha terenu maibe Ha’u la halo promesa dehan semana rua atu selu sira (agrikultor), maibe diresaun balun mak ba halo promesa ne’e Ha’u la hatene tanba Ha’u la halo promesa ba sira agrikultor,” nia relata.
Jornalista :Orlando Magno
Editór : Agapito de Deus
