Lafaek News-Haree ba Covid-19 iha Timor-Leste númeru aumenta mak Uniaun Europeia (UE) no Organizasaun Mundial Saúde (OMS) apoiu Ministériu Saúde (MS) oinsa mak bele halo nafatin prevensaun ba Covid 19 iha TL.
Tan ne’e mak, Ministériu Saúde Assina Nota entendimentu ho Uniaun Europeia (UE) no Organizasaun Mundial Saúde (OMS).
Ministra Saúde Assina Nota entendimentu ho Uniaun Europeia (UE) no Organizasaun Mundial Saúde (OMS).
Tuir Ministra Saúde, Odete Maria Freitas Belo, hatete, moras Covid-19 ne’e akontese iha mundu tomak ne’ebé sofre hela moras ne’e,, tanba ne’e parseiru sira prontu atu fó nafatin apoiu ba iha MS.
“Primeiru kedas Covid-19 ne’e akontese iha Marsu 2020, la’ós Ministériu Saúde mesak mak servisu, maibé ho apoiu husi parseiru sira hanesan Uniaun Europeia no Organizasaun Mundial Saúde,” Esplika Ministra Saúde Odete Maria Freitas Belo, ba jornalista sira iha palasiu das sinzas, Kaikoli, Segunda (18/01/2021).
Nia hatutan, apoiu ida ba da-ruak nian ne’e entermus orsamentu uituan atu bele hametin nafatin relasaun no hadia kondisoens sira.
Tanba, apoiu ne’e atu hadia kondisaun sira hanesan Kuarentena, Izolamentu, sé karik atu halo revizaun ruma kona-ba protokolu sira ou regras sira iha Izolamentu nomós hadia reajentes sira neebé mak ita presiza.
Iha fatin hanesan, Embaixadór Uniaun Europeia, Andrew Jacobs iha nia diskursu, hatete, objetivu husi inisiativa nee atu apoiu governu hodi hametin ninia kapasidade hodi hamenus impaktu husi Covid-19 no hodi hatan ba situasaun emerjénsia sira seluk ne’ebé bele mosu.
Orsamentu total neebe disponivel ba asaun ida nee mais ou menus EURO miliaun rua pontu tolu (2.3 miloeñs) no Uniaun Europeia kontribui kuaze ho EURO miliaun rua, neebé ekivalente ba miliaun rua pontu haat dolares Amerikanu (2.4 dolar amerika).
Nia afirma, apoiu ba saúde ne’e hodi hatan ba Covid-19, dezenvolve ona bazeia ba planu estratejiku nasionál ba preparasaun Covid-19, ne’ebé prepara no aprova ona iha fulan marsu tinan 2020.
Nune’e, fó asistensia teknika espesializada ba formasaun institusionál no rekursu umanu, fó apoiu ba kapasidade laboratorium nian, jestaun efetiva ba kazu sira no fornesimentu, distribuisaun ekipamentu diagnostiku nian no medikamentu nian.
Jornalista : Sandi Belo
Editór : Floriano Soares
