Lautém (Lafaek News)-Governu abandona uma ba pesoál saúde durante tinan haat (4) nia laran bele fó risku ba komunidade ne’ebé presiza halo tratamentu saúde, iha suku Baduro, postu administrativu Lautém, munisípiu Lautém
Uma ba pesoál saúde abandona durante tinan haat (4) Iha Suku Baduro, munisípiu Lautém.
“Uma ne’e rehabilita iha tinan 2016, dehan pesoál mediku mak atu mai hela, maibé ate agora ema ida la mosu mai to’o uma ne’e atu dodok tan ona,” Xefe Aldeia, Laculomano, Paulo do Santos ba Lafaek News, Kinta (17/01/2021).
Nia haktuir, durante ne’e enfermeiru ida de’it mak fó asisténsia mediku ba komunidade sira, maibé ne’e la sufisiente atu bele atende komunidade sira, tanba númeru komunidade boot liu kapasidade pesoál saúde nian.
“Iha ne’e enfermeiru ida de’it mak durante ne’e, fó tratamentu saúde ba komunidade, maibé númeru ida ne’e la sufisiente haree ba komunidade nia númeru populasaun boot liu tan ne’e, nia labele atende ho di’ak,” tenik nia
Iha sorin seluk, pasoál saúde, José Almeida, haktuir, uma ne’e reabilita hodi prepara ba pesoál saúde foun atu ba hela, maibé ate a data seidauk iha ema ida mai priense fatin ne’e.
Tuir informasaun katak, atu rekruta ema mai iha fatin ne’e, maibé ami hein até a data seidauk iha ema ida mai hodi hela uma ne’e, uma ne’e mós abandona kuaze tinan haat atu ba lima tan ona, maibé kontinua mamuk nafatin.
Jornalista : Anselmo Monteiro
Editór : Floriano Soares
