Lautém (Lafaek News)—Dezde tinan 2019 to’o ohin 2021 servisu edukasaun Munisipal Lautém paradu ,tanba laiha Diretór Edukasaun hodi lidera servisu hotu edukasaun iha munisípiu Lautém.
Antes ne’e diretór sesante edukasaun munisípiu Lautém Apolinario Serpa Rosa, maka lidera hela diretór edukasaun munisípiu Lautém iha tinan 2019, maibé too ohin seidauk iha nomeasaun husi Ministériu Edukasaun reasume kargu Diretór edukasaun iha munisípiu refere.
“Ne’e urjente loos foin dadaun ha’u kontaktu ona Diretur jerál Ministériu Estatal nian orientá ona atu ha’u enkamina karta ida ba hodi nune sira koordena ho ministériu edukasaun hodi deside ema ida mai lidera fali servisu edukasaun munisípiu ne’e,” Administradór Lautém, Domingos Savio ba Lafaek News iha kna’ar fatin, segunda (18/01/21).
Administradór ne’e haktuir nia parte kontinua kolabora ho MInistériu Administrasaun Estatal (MAE) hodi koordena MInistériu Edukasaun atu nune’e eskoila ema ida ne’ebé ho méritu edukasaun atu bele assume hikas kargu diretór edukasaun Lautém hodi hala’o servisu.
“Semana ne’e nia laran sei tuun ba Dili ko’alia ho Ministru Estatal oinsá atu nomea ona ema ida mai sai diretór,” katak Domingos Savio.
Jornalista : Elidio Castro
Editora : Nelya Barros
