Lafaek News–Embaixadór Uniaun Europeia (UE) hasoru malu Sekretáriu Estadu Formasaun Profísionál (SEFOPE) hodi servisu hamutuk iha área formasaun profisionál atu bele kapasita timor-óan nia kapasidade no hasa’e abilidade ne’ebé di’ak.
Embaixadór Uniaun Europeia (UE), Andrem Jacobs
“Ohin hasoru malu ho SEFOPE, ami ko’alia kona-ba oportunidade UE ba governu Timor Leste liu husi servisu hamutuk liuliu iha kontekstu formasaun profiionál,” dehan embaixadór Uniaun Europeia (UE), Andrem Jacobs, ba jornalista sira iha salaun SEFOPE Kaikoli, segunda, (18/01/2021).
Embaixadór hatutan, iha oportunidade ida ne’e atu servisu hamutuk ho governu Timor-Leste liliu iha área formasaun profisionál iha setór ekonómia.
Iha fatin hanesan, Sekretáriu Estadu Profisionál no Empregu (SEFOPE), Alarico do Rosario, informa, durante SEFOPE hala’o atividade formasaun profisionál, tan ne’e embaixadór UE mai haree direitamente hodi bele fó apoiu.
“Ohin vijita ida ne’e, ami mós aprezenta kedas kona-ba sentru formasaun sira ne’ebé iha Timor laran nomós planu ne’ebé mak SEFOPE trasa, ami mós esplika polítika formasaun nian, iha oportunidade ne’e mós UE sei fó apoiu ba Timor-Leste liu-liu iha áreia formasaun,” nia reforsa.
Alarico hatutan, SEFOPE prontu atu koopera ho embaixadór Uniaun Europeia (UE) iha área formasaun profisionál.
“Husi enkontru ne’e, ami prontu atu sevrisu hamutuk ho UE, iha areia saida de’it ami prontu atu koopera hamutuk ho sira, iha áreia sentru formasaun SEFOPE nian,” nia informa.
Sentru formasun ne’ebé mak durante loke iha Timor laran hanesan Sentru Senai Bekora, Tibar, nomós aprezenta fundus ne’ebé husi sentru hirak ne’e ba UE, atu nune’e iha futuru bele fó ajuda ba sentru formasaun sira.
Jornalista : Etelvina Sarmento
Asistensia Editór : Pedro de Almeida
