Lafaek News-Governu liuhosi Sekretáriu Estadu Profisionál no Empregu (SEFOPE) esforsu atu lori fila traballadór timór-oan ne’ebé mate iha Austrália mai Timor-Leste.
Diretór Jerál SEFOPE, Paul Alves, hatete, dadaun ne’e ekipa husi SEFOPE estabelese ona servisu iha Darwin, nune’e halo ona komunikasaun, tanba prosesu deklarasaun husi família matebian haruka tiha ona ba.
“Karta deklarasaun husi família nian, ami haruka tiha ona ba, no ami hatudu ba sira, maibé seidauk determina bainhira mak lori mate isin fila mai Timor, no familia mate isin mós mai enkontru ona ho ami, maibé ami mós hato’o ba katak surat no deklarasaun ne’ebé ita haruka ne’e sei iha prosesu investigasaun,” dehan Diretór Jerál Paul Alves, ba jornalista iha salaun SEFOPE, Kaikoli, Segunda (18/01/21).
Nia haktuir, proseu ne’e governu Timor-Leste liuhosi SEFOPE espera prosesu investigasaun ne’e bele hotu lalais nune’e lori fila mate-isin mai Timor, tanba ne’e parte husi SEFOPE kontaktu direita ho manajer toos na’in.
“Ami mós halo ona kontaktu ho manejer toos nain Tasmania, maibé sira mós pro ativa hela, no mate isin agora dadaun iha kapitál tasmania ne’ebá, ita espera katak prosesu, investigasaun finaliza lalais, tanba ita hareee situasaun surtu covet-19 ne’e situasaun ida ne’ebé difisil liu,” nia hakotu.
Jornalista : Etelvina Sarmento
Asistensia Editór : Pedro de Almeida
