POLÍTIKA · 3 Jul 2023 13:54 ·

PR Sei Akompaña Servisu Kada Membru Governu Da-Sia Nia Servisu


PR Sei Akompaña Servisu Kada Membru Governu Da-Sia Nia Servisu Perbesar

Lafaek News—Prezidente Repúblika José Ramos-Horta hateten, Iha fulan balu nia laran sei akompania tetu no sukat Governu da-sia no membru governu ida-idak nia serbisu implementa ho lalais kompeténsia no laran no liman-moos programa ne’ebé aprovadu husi parlamentu nasional.

“Ha’u hato’o ksolok ba líder nasionál sira, ba Maun Boot Xanana ha’u haraik ho respeitu ba nia nu’udar ema ida-ne’ebé povu hili atu ukun, ha’u sei akompaña Ministériu ida-idak nia hala’ok. Iha fulan balu nia laran ita sei bele tetu no sukat Governu nia membru ida-idak ninia knaar buras ka lae no oinsá. Hanesan Señór Primeiru Ministru dehan loloos sé de’it maka la ezekuta ninia programa ministeriál ka setoriál sei sai no troka ho ema seluk,”  PR José Ramos-Horta iha ámbitu serimónia solene fo posse ba membru governu da-sia iha Palásiu prezidensiál, sábadu ( 01/07/2023).

Xefe Estadu ne’e deklara, deputadu sira, membru governu, asesór sira nomós funsionáriu atu serví povu no implementa ho lalais, kompeténsia no laran no liman-moos, programa ne’ebé aprovadu hosi PN.

“Ha’u hakarak fó hanoin ba ema hotu-hotu katak, tuir artigu 74º nº 1 hosi RDTL nia Lei-Inan, Konstituisaun, Prezidente Repúblika maka nu’udar mahein ba hala’ok di’ak hosi instituisaun demokrátika hirak-hotu, Prezidente Repúblika maka nu’udar  “ mahein ba hala’ok hosi instituisaun demokrátika ” ha’u sei tau matan oinsá maka servisu ba komunidade hala’o loos ka lae tuir programa Governu ne’ebé aprovadu liuhosi Lei hosi Parlamentu Nasionál”. Katak Xefe Estadu RDTL ne’e.

PR Ramos-Horta reafirma, husu lisensa atu hatada rekomendasaun balu ba Governu no PN serbi kna’ar ho honestidade, umildade, profisionalismu; hala’o knaar-lisuk hamutuk hodi hala’o dezenvolvimentu integradu no sustentável ba país ne’ebé dehan katak lori oin ida-ne’ebé rain bele ba oin no mesa-mesak bele rasik buras nia an.

“Ita tama iha ASEAN ho objetivu estratéjiku nasionál no ita hotu, hamutuk, tenke haburas ho di’ak ita-nia rikusoin. Kona-ba polítika nasionál no internasionál, ita-nia lisuk hamutuk ho ASEAN tenke sai hanesan prioridade boot”, Xefe Estadu ne’e deklara.

Iha serimónia solene ba membru governu da-sia ne’e Xefe Estadu Ramos-Horta ne’e  hato’o liafuan ho ksolok ba Prezidente no Deputadu sira hosi V Lejislatura (2018 – 2023), liuliu ba Aniceto Longuinhos Guterres, ba nia jeitu profisionál, justu no imparsiál, bainhira hala’o knaar iha ita-nia uma-fukun.

Jornalista: Rita Moniz

Editor       : Agapito de Deus

327 Views
Artikel ini telah dibaca 22 kali

badge-check

Editor

Baca Lainnya

Naimori : “Iha Timor Ha’u ho Ramos Horta Mak Ko’alia Unidade Nasional”

23 April 2024 - 10:39

Berta Kontinua Lidera KHUNTO Ho Sekretariu Jeral Eleitu

23 April 2024 - 10:19

Naimori : KHUNTO sei la husik FRETILIN ho PLP Mesak

22 April 2024 - 00:08

KHUNTO Troka De’it Xefe Bankada La’os Hasai Olinda Husi Partidu

21 April 2024 - 09:19

PR Parabeniza Armanda Berta Iha Kongresu KHUNTO Ba da-IV “Olinda Guterres La Marka Prezensa”

21 April 2024 - 09:13

PR ho PPN Diskute Preparasaun Viajen ba Abudabi  

21 February 2024 - 08:33

Trending di POLÍTIKA