Lafaek News--Reprezentante Prezidente Republika liu husi Xefe Kaza Sivil Francisco Maria de Vasconcellos, orgullu ho produsaun hortikultura sstrawbery ektares ida resin, iha ne’ebe inisia husi Grupu Haburas postu administrativu Maubisse munisipiu Ainaru.
“Haksolok tebes tanba ita boot sira bele halo servisu agrikultura ida iha oltikultura hektares ida liu, ita boot sira halo diversifika ai-horis ne’ebe mak iha laran,” dehan Francisco Maria de Vasconsellos iha serimonia koileta strobery iha fatin Grupu haburas Maubisse (16/08/2021).
tan ne’e, hakarak mai vizita no fila sei hatoo Prezidente Republika, hodi diskute ho parte orgaun ezekutivu oinsa mak atu bele kria kondisoens liliu ba merkadu nia produsaun sira.
“tanba ita ko’alia kona ba merkadu, tanba ne’e mak ita boot sira hahu ona tenke mantein kualidade ho didiak, servisu makas liu tan, tanba resultadu lukru laos problema montante deit,husi PR Agradese tebes, apresia tebes ita boot sira iha Maubisse iha inisiativa rasik iha servisu kooperativa ida ne’ebe di’ak tebes, ha’u hanoin neneik ba bebeik hetan susesu di’ak liu tan,” Tenik Xefi kasa Sivil. .
Iha fatin Hanesan Koordenador Grupu Haburas Maubisse Francisco Xavier do Rego hatete nia parte sente orgullu tebes tanba bele hetan vizita husi Gabinete husi Prezidensial Republika nia hodi mai haree direita atividade ne’ebeGrupu Haburas Maubisse halo.
Jornalista : Rita Moniz
Editor :Agapito de Deus
