Lafaek News—Konselleru másimu Partidu Kmanek Haburas Unidade Nasional Timor-Oan, José dos Santos Naimori Bucar, ho espresaun triste hodi hamonu mata-wen, tanba lakon duni ona saudozu António Verdial da Silva Ferreia hosi partidu KHUNTO.
“Ita lakon ema diak ne’ebé mak figura importante ne’ebé fó inspirasaun ba membru KHUNTO, tanba nia moris simples no nia kbiit iha defende povu.”Lider Supremo KHUNTO Naimori Bucar.
Naimori mos husu atu membru sira hotu kontinua halo unidade no hatudu rezolve, hanesan maneira loos atu honra tuir saudozu António Verdial da Silva Ferreira,”Lider supremu KHUNTO ne’e hatoo lia hirak ne’e iha nia rezidensia Manleuana, 21/09/2025.
Nia dehan, saudozu António Verdial da Silva Ferreira nudar ema ne’ebé dedika-an iha partidu KHUNTO hosi inísiu partidu ne’e moris too ohin loron, matebian ema ne’ebé pasiénsia, kalma no integridade inklui loyalidade as ba partidu KHUNTO.
Bucar konfirma tan, deputado António Verdial Ferreira mak hanesan ema diak, líder humildade no servisu makas iha partidu too parlamentu nasional, Lider maximu ne’e konsidera Saudozo hanesan ema ne’ebé sempre fó kontribuisaun atu hadia unidade partidu.
Entretantu, maktoban Antonio Verdial da Silva Ferreira haloot ona iha nia moris fatin munisípiu Ainaro hafoin homenajen ikus hosi maluk deputadu sira iha Parlamentu Nasional.
Ekipa Kobertura : Lafaek News
