Lafaek News-(Ainaro)-Ministru Edukasaun Juventude no Desportu (MEJD), Armindo Maia, vagas rekrutamentu profesores hamutuk 975 iha teritoriu nasional ninia prosesu la’o hela sei fo rezultadu sai iha fulan Novembru tinan ne’e.
Armindo Maia deklara asuntu ne’e iha loron tersa (18/09/2021) bainhira akompañia reprezentante Prezidente Republika, Xefe kaza Sivil Francisco Maria de Vasconsellos ho ekipa hala’o vizita ba administrasaun munisipiu Ainaro.
“Ami vizita ba munisípiu sempre iha perguntas profesór la to’o entaun orsamentu ba 2021 ita iha vagas rekruta 975 profesór ne’ebé maka prosesu la’o da-daun ona ita espera katak bainhira Novembru ida ne’e talves ita bele remata prosesu ona”, Dehan MEJD Armindo Maia hatoo iha nia diskursuiha Ainaru.
Governante ne’e dehan nia rasik seidauk hatene total kandidatus profesores munisipiu Ainaru nian hira, maine sei troka profesores sira ne’ebe husik ona sira nia papel hanorin hofi fila hikas ona ba aman kadunan santu.
‘‘ba Ainaro ha’u la hetene hira maibé ida ne’e atu responde ba profesór sira ne’ebé barak fila ona ba Aman Maromak, profesór invalidu, tama ona reforma, sira ne’ebé muda ba fatin seluk ne’e 975 vagas,’’ katak Armindo.
Ikus nia Armindo Maia hateten, estadu tuir nia kapasidade osan, responsabilidade ema hotu iha Ministériu Edukasaun husi nivel sentrál mai to’o autoridade munisipal, fakar osan maibé iha kraik la tau matan no laiha responsabilidade ida ne’e fakar osan saugati de’it.
Jornalista : Rita Moniz
Editor : Agapito de Deus
